मिळालेल्या माहितीनुसार, आरोपीने मुलीच्या आईला उपचारांच्या नावाखाली फसवून मुलगी व तिच्या आईला स्वतःच्या चारचाकी वाहनातून श्रीवर्धन येथे आणले. सायंकाळी सुमारे 7.30 वाजता शहरात पोहोचल्यावर त्याने मुलीच्या आईला ‘उपचारासाठी तयारी’ असे सांगून समुद्रकिनाऱ्यावर बसण्यास सांगितले. आईला जाणीवपूर्वक दूर ठेवल्यानंतर आरोपीने मुलीला एकटी करून तिच्यावर जबरदस्तीने लैंगिक अत्याचार केला.
किल्ल्यावर निघाली 16 विद्यार्थिनींची सहल; पण वाटेत धुक्याची चादर; बस पलटून थेट… अपघाताचे थरारक दृष्य समोर
धक्क्यात गेलेल्या पीडित मुलीने घरी परतल्यानंतर निने कुटुंबीयांना संपूर्ण प्रकार सांगितला. कुटुंबीयांनी तातडीने श्रीवर्धन पोलीस ठाण्यात धाव घेऊन आरोपीविरुद्ध कठोर गुन्हा दाखल केला. घटनेचे गांभीर्य लक्षात घेऊन पोलिसांनी POCSO कायदा 2012, अनुसूचित जाती-जमाती अत्याचार प्रतिबंधक कायदा 1989 तसेच भा.न्या. संहिता 2023 मधील संबंधित कलमान्वये गुन्हा दाखल केला आहे. श्रीवर्धन पोलीस ठाण्यात गुन्हा क्रमांक 145/2025 असा नोंद असून कलम 3(1) (w) (i), 3(1)(w)(ii), 3(2), 3(V), POCSO कलम 4(2), 8, 12 तसेच BNS 2023 कलम 64, 65(1) यांचा समावेश आहे. पुढील तपासाचे काम उपविभागीय पोलीस अधिकारी सविता गर्जे यांच्या मार्गदर्शनाखाली सुरू आहे.
Raigad News: महाड हादरले! महिला बेपत्ता होण्याचे सत्र सुरूच, ‘भाजी घेऊन येते’ सांगून गेलेली जहरीना परतलीच नाही
दरम्यान, ही घटना महिला व बाल विकास मंत्री अदिती तटकरे यांच्या श्रीवर्धन मतदारसंघात घडल्याने स्थानिक पातळीवर गंभीर चिंता व्यक्त केली जात आहे. जिल्ह्यात महिलांवर आणि अल्पवयीन मुलींवर अत्याचारांच्या वाढत्या घटनांमुळे नागरिकांनी सुरक्षाव्यवस्था मजबूत करण्याची, तसेच अंधश्रद्धेविरोधी जनजागृती वाढवण्याची मागणी केली आहे.