राजेश तेलगोटे, असे जखमीचे नाव असून, मॉर्निंग वॉक करून घरी परतीच्या मार्गावर असताना अज्ञात तीन जणांनी त्यांच्यावर जीवघेणा हल्ला केला. या हल्ल्यात त्यांच्या डोक्याला गंभीर दुखापत झाली आहे. त्यांच्यावर अकोटच्या ग्रामीण रुग्णालयात उपचार सुरू आहेत. हल्ल्याची माहिती समजतात तेलगोटे यांचे समर्थक आणि कार्यकर्त्यांनी रुग्णालयात मोठी गर्दी केली होती. याप्रकरणी अकोट शहर पोलिसांत गुन्हा दाखल करण्यात आला असून, पोलिस आरोपींचा शोध घेत आहे. मात्र, या घटनेने अकोटात खळबळ उडाली आहे.

राज्यातील 24 नगरपरिषद, नगर पंचायतीच्या निवडणुका पुढे ढकलल्या; सुधारीत वेळापत्रक जाहीर, कधी होणार मतदान?
पोलिस अधीक्षकांना निवेदन
एमआयएमचे अकोला जिल्ह्यातील नेते आसिफ अहमद खान यांनी या प्रकरणाची सखोल चौकशी करावी व दोषींना तात्काळ अटक करावी, असे निवेदन जिल्हा पोलिस अधीक्षक अर्चित चांडक यांना दिले आहे. कुणीही अफवांवर विश्वास ठेवू नये व कायदा हातात घेऊ नये, असा आवाहनही आसिफ अहमद खान यांनी केले आहे.
राज्यात आज मतसंग्राम! 226 नगर परिषदा, 38 नगर पंचायतींसाठी यंत्रणा सज्ज, मतदारांचा कौल कुणाला?
आडनावाची साथ, पण..
बारामती : बारामती तालुक्यातील माळेगाव येथे उपमुख्यमंत्री अजित पवार यांच्या उपस्थितीत नगर पंचायत निवडणुकीची प्रचाराची सांगता सभा पार पडली. सभेत पवार आडनावाच्या समर्थकाने “साडेतीन दशके निःस्वार्थी काम करणाऱ्या नेत्याला सलाम” असे पत्र दिले. त्यावर प्रतिक्रिया देताना अजित पवार म्हणाले, पवार नावाचे लोक माझी प्रशंसा करायला लागले, पण माझी काही भावकी अजूनही कौतुक करीत नाही. घरचे नाव ठेवतात! असे म्हणत युगेंद्र पवारांच्या आरोपांचे खंडन केले.