दोन्ही भाऊ आणि सक्षम चांगले मित्र

आंचलचे वडील गजानन मामीडवार हे गेल्यावर्षी डॉ. बाबासाहेब आंबेडकर यांच्या जयंती मिरवणुकीत सहभागी झाले होते. या मिरवणुकीत आंचल देखील त्यांच्यासोबत होती. गजानन मामीडवार या मिरवणुकीत सक्षमसोबत नाचले. आंचल आणि सक्षम देखील सोबत या मिरवणुकीत नाचताना दिसत आहेत. दोघेही खूप आनंदी दिसत आहेत. नाचतानाचा हा व्हिडिओ समाज माध्यमावर व्हायरल झाला आहे. समक्षसोबत इतके चांगले संबंध असताना गजानन मामीडवार त्याचा घात करतील, असं कोणालाही वाटलं नव्हतं. आंचलने दिलेल्या माहितीनुसार, तिचे दोन्ही भाऊ आणि सक्षम खूप चांगले मित्र होते. यातूनच सक्षमचं आंचलच्या घरी येणं-जाणं होतं. यातूनच तीन वर्षांपूर्वी दोघांमध्ये प्रेमसंबंध निर्माण झाले होते. पण या प्रेमाचा अत्यंत दुर्दैवी शेवट झाला आहे.

Mumbai News : मुंबईत फूटपाथवर चालताना गर्भवतीला प्रसववेदना; स्त्रियांच्या वस्त्रांचा आडोसा, महिला पोलीस कॉन्स्टेबलमुळे सुखरुप प्रसुती

सक्षमची गोळ्या झाडून हत्या

सक्षम ताटे हा नांदेड शहरातील इतवारा भागातील संघसेननगर येथील रहिवासी आहे. त्याच्या मित्राची बहीण आंचल मामीडवार सोबत प्रेमसंबंध सुरु होते. तीन वर्षांपूर्वी त्यांची इंस्टाग्राम ओळख झाली होती, त्यानंतर ओळखीचं रूपांतर प्रेमात झालं. मयत हा नेहमी मित्राच्या घरी यायचा. दरम्यान, त्यांच्या प्रेमाला मुलीच्या कुटुंबाचा विरोध होता. आंचलच्या कुटुंबियांनी सक्षमला समज दिली होती. तरी सुद्धा प्रेम प्रकरण सुरूच होते. 27 नोव्हेंबर रोजी सायंकाळी पाच वाजेच्या सुमारास जुनागंज भागात सक्षमची गोळ्या झाडून आणि डोक्यात फरशी घालून निर्घृणपणे खून करण्यात आला.

हृदयद्रावक! लाडक्या मुलाचं लग्न जमवून परतताना भीषण अपघात, आई-वडिलांचा जागीच अंत; लेकराच्या चेहऱ्याकडे पाहून नातेवाईकांचा आक्रोश

आठ जणांविरोधात गुन्हा दाखल

मुलीचे वडील गजानन मामीडवार, भाऊ साहिल मामीडवार आणि विधीसंघर्ष असलेल्या अन्य एका भावाने इतर सहकार्यासोबत मिळून हत्या केली. आरोपी आणि मयत गुन्हेगारी पार्श्वभूमीचे होते. त्यांच्यावर गंभीर स्वरूपाचे गुन्हे देखील दाखल होते. पोलिसांकडून एमपीडी अंतर्गत कारवाई करण्यात आली होती. दरम्यान, पोलिसांनी या प्रकरणात आई-वडील दोन भावासह एकूण आठ जणांविरोधात खुनाचा आणि अट्रॉसिटीचा गुन्हा दाखल केला आहे.