फेब्रुवारी ते मे 2025 दरम्यान भोसलेने अनेक जणांना आपल्या जाळ्यात ओढले, त्यामध्ये एका गरीबाच्या पत्नीसोबत लग्न करुन ती घेऊन फरार झाल्याचा गंभीर आरोपही समाविष्ट आहे. शहरात राहणाऱ्या एका नागरिकाने याबाबत दाखल केलेल्या फिर्यादीत सांगितले की, भोसलेने फिर्यादीच्या पत्नीवर केलेली करणी आणि भूतबाधा काढण्याची ‘सुप्तशक्ती’ असल्याचे भासवले होते. त्याने 60 ते 65 हजारांची मागणी करत 45 हजार रुपये घेतलेही होते. मात्र पैसे परत न करता किंवा मदतही न करता मे 2025 मध्ये तो फिर्यादीच्या पत्नीला घेऊन निघून गेला. अशाच पद्धतीने भूतबाधा आणि करणी काढण्याच्या आमिषाने त्याने अनेक नागरिकांना फसवले आहे.
Tamhini Ghat Accident : गरीबीतून वर आले, पण नियतीने ऐन तारुण्यातच हिरावले; पुण्यातील सहा मित्रांच्या कोकण पिकनिकचं भावनिक कारण समोर

सातारा जिल्ह्यात लपला असल्याची शक्यता

जुना राजवाडा पोलीस ठाण्यातही त्याच्यावर तक्रारी सुरू झाल्या होत्या. सातारा जिल्ह्यात लपून बसला असेल अशी चर्चा असून करवीर पोलिसांनी त्याचा शोध सुरू केला आहे. साताऱ्यातील वाई परिसरातही तो असल्याची पोलीस माहिती मिळाली असून एक पथक त्या भागात गेल्याचेही समोर आले आहे. या प्रकरणात तपास अधिक खोल करण्यात येत असून साक्षीदारांचे जबाब नोंदवले जात आहेत, अशी माहिती पोलिसांनी दिली आहे.
Solapur News : अहो आपल्या हर्षला अ‍ॅडमिट केलंय… बाबा धावत पोहोचले, 23 वर्षाच्या लेकाचा अकस्मात मृत्यू, कारण ऐकून महाराष्ट्र हळहळला

दरबार भरणाऱ्या घरात सापडल्या या वस्तू..

या प्रकरणी अनिसच्या रेट्यामुळे पोलिसांनी भोंदू बाबाच्या टिंबर मार्केट येथे असलेल्या दरबारावर गुरुवारी छापा टाकून काही आपत्ती जनक साहित्य जप्त केले आहे. यामध्ये अघोरी कृत्यासाठी लागणारे सगळे साहित्य, तंत्र मंत्र विधीची कागदपत्रे, जनावरांच्या मोठ्या आकाराच्या कवट्या, दोरे, काही जणांचे फोटो लावलेल्या काळ्या बाहुल्या, किंमती घड्याळांचे कलेक्शन, टाचण्या मारलेले फोटो, दारुची बाटली अशा वस्तूंचा समावेश आहे. तसेच धक्कादायक बाब म्हणजे या बाबाच्या एका खोलीत कंडोमची काही पाकिटेही सापडली आहेत. त्याच्या घरात आढळून आले.
Tamhini Ghat Accident : 24 व्या वर्षी पुण्यात मोमोंचा ब्रँड, कष्टांनी कुटुंबाचं दारिद्र्य संपवलं, आधी फ्लॅट घेतला मग थार, साहिलच्या स्वप्नांचा ताम्हिणी घाटात चुराडा
दरम्यान या घोटाळ्याचा पर्दाफाश झाल्यानंतर अनेक तक्रारदार पुढे येत आहेत. कोल्हापुरातील या भोंदू बाबाने अंधश्रद्धा बळकट करत, अनेक लोकांची फसवणूक केली आहे, त्यामुळे नागरिकांमध्ये संताप आहे. तसेच या प्रकरणी प्रशासनाकडून कडक कारवाईची मागणी नागरिकांकडून केली जात आहे.