याप्रकरणी मालवणी पोलिसांनी सिराज नाईक (वय 52) याला अटक केली आहे. त्याने आपली पत्नी मुमताज नाईक (वय 40) हिची हत्या केल्याची कबुली दिली आहे. ही घटना मालवणी कच्च्या रोड आडवा पट्टा परिसरात घडली. याप्रकरणी मिळालेल्या अधिक माहितीनुसार, सिराज नाईक हा पत्नी मुमताजच्या चारित्र्यावर संशय घेत होता. तिचे इतर पुरुषांसोबत संबंध असल्याचा आरोप करून तो तिला शिवीगाळ करत असे आणि मारहाणही करत होता. या कारणावरून त्यांच्यात नेहमीच वाद होत होते.
Kalyan News: हिंदी का बोलतोस, लोकलमध्ये मारहाण; मराठी तरुणाने आयुष्य संपवलं, वडील म्हणाले…
या हत्येमागे घर पुनर्विकासाचाही एक मुद्दा असल्याचे समोर आले आहे. ही घटना SRA प्रकल्पांतर्गत मिळणाऱ्या फ्लॅटसाठी झालेल्या वादातून घडल्याचं बोललं जात आहे. सिराज नाईक हा वॉचमन म्हणून काम करत होता. त्यांना दोन मुलं आणि एक मुलगी होती. नाईक कुटुंबीय मालवणी परिसरात राहत होते आणि त्यांचे घर पुनर्विकासासाठी जाणार होते. या पुनर्विकासासाठी त्यांना बिल्डरला 9 लाख लाख रुपये द्यावे लागणार होते. हे सिराजला एकट्याने भरणे शक्य नव्हते. त्यामुळे त्याने पत्नीला आणि मुलांना यासाठी पैसे देण्यास सांगितलं होतं. मात्र, मुमताजने याला विरोध केला आणि मुलांनाही पैसे देण्यास मनाई केली. यावरून दोघांमध्ये जोरदार वाद झाला.

वाद झाल्यानंतर मुमताज झोपायला गेली. त्यावेळी सिराज नाईकने रागाच्या भरात एक जड दगड घेतला आणि झोपलेल्या मुमताजच्या डोक्यात वार केला. यात तिचा जागीच मृत्यू झाला.
डीजेवर नाचताना हवेत गोळीबार, नवरदेवाच्या मित्राची मुलगी जमिनीवर कोसळली, 6 वर्षांच्या वीराचा मृत्यू
गुरुवारी (20 नोव्हेंबर) रात्रीच्या सुमारास ही हत्या करण्यात आली. हत्येनंतर सिराज नाईक सकाळी मालवणी पोलीस ठाण्यात गेला. त्याने तिथे उपस्थित पोलिसांना घडलेला प्रकार सांगितला आणि पत्नीची हत्या केल्याची कबुली दिली. यानंतर पोलिसांनी त्याला अटक केली. त्यानंतर पोलिसांनी घटनास्थळी धाव घेतली. त्यानंतर मुमताजला शताब्दी रुग्णालयात दाखल करण्यात आले. तिथे डॉक्टरांनी तिला मृत घोषित केले.

मालवणी पोलिसांनी सिराज नाईक याच्याविरुद्ध हत्येचा गुन्हा दाखल केला आहे. सध्या तो पोलीस कोठडीत असून त्याची चौकशी सुरू आहे. हत्येमागे अजून काही कारण आहे का, याचा तपास पोलीस करत आहेत.