महापालिकेच्या निवडणुका आता जवळ आल्या असून राजकीय घडामोडींना सुरवात झाली असून माजी नगरसेवक यांना आपल्या पक्षात ओढायला भाजप आणि शिवसेना शिंदे गटाकडून सुरवात झाली आह. दरम्यान, शिंदेच्या शिवसेनेची आणि भाजपाची युती होणार की नाही? महाविकास आघाडी कल्याण-डोंबिवलीत होणार की नाही? तसेच मनसेची काय भूमिका असणार? या सर्व विषयांवर आता चर्चा सुरू झाली आहे. युती होऊ नये असे दोन्ही पक्षातील कार्यकर्ते यांची मत असेल तरी दोन्ही पक्षाच्या नेत्यांकडून महापौर युतीचा होणार असे सांगितले जात आहे.

शिंदेंनी आव्हाडांचे 9 नगरसेवक फोडले, आता जितेंद्र आव्हाडांचा मास्टरस्ट्रोक, थेट ऋता आव्हाड निवडणूक लढवणार
यातच आता कल्याण ग्रामीणचे शिंदेच्या शिवसेनेचे आमदार राजेश मोरे आणि मनसेचे माजी आमदार, नेते राजू पाटील यांचे एका लग्नाच्या हळदीत एकत्र डान्स केल्याचा व्हिडिओ सोशल मीडियावर व्हायरल झाला आहे. लोकसभा निवडणुकीच्या वेळी खासदार डॉ.श्रीकांत शिंदे यांना मनसे नेते राजू पाटील यांनी निवडणूकीत मदत केली होती. मात्र विधानसभेत शिवसेने पाटील यांच्या विरोधात उमेदवार दिला त्यामुळे शिंदे गट आणि मनसे मध्ये दरी निर्माण झाली.

केडीएमसी निवडणुकी दरम्यान, भाजपमध्ये मोठे इनकमिंग सुरु केल्याने शिंदे गट आणि मनसे सावध झाले असून पुन्हा एकदा राजकीय वाद सोडून एकमेकाच्या जवळ येऊ लागल्याची चर्चा आहे. खासदार शिंदे आणि मनसे नेते पाटील एका कार्यक्रमात चक्क बाजूला बसले असून ते बोलताना पण दिसत आहे. त्यामुळे एकनाथ शिंदेच्या शिवसेनेची आणि मनसेची युती होणार याकडे सर्वांचे लक्ष लागले आहे.