नेमकं काय घडलं?

मंगळवेढा ब्रह्मपुरी या राष्ट्रीय महामार्गावर शनिवारी (15 नोव्हेंबर) सायंकाळी एक भीषण अपघात घडला. या घडलेल्या भीषण अपघातात 60 वर्षीय बब्रुवहान यशवंत सोनवणे (राहणार ब्रह्मपुरी) यांचा जागीच मृत्यू झाला आहे. लेकीला भेटण्यासाठी घरातून निघालेल्या बब्रुवहान सोनवणे यांचा लेकीच्या घरी जाण्याचा हा प्रवास अखेरचा ठरला आहे. पाठीमागून आलेल्या कारणे दिलेल्या भरधाव धडकेत त्यांच्या मोटरसायकलचा चेंदामेंदा झाला आणि त्यातच त्यांचा जागेवरच मृत्यू झाला.
Solapur News: मरायच्या आधी सर्वांच्या मनातून उतरुन… इन्स्टावर पोस्ट केली अन् मग तरुणाने जीव दिला, आई-वडिलांचा टाहो

मागून आलेल्या भरधाव कारने दिलेल्या धडकेत मृत्यू

याबाबतची फिर्याद किशोर सोनवणे यांनी दिली असून दिवंगत बब्रुवहान सोनवणे हे एम एच 13 डी के 3211 या दुचाकीवरून मंगळवेढ्याकडे जात होते. यावेळी इंडियन पेट्रोल पंपाजवळील पाटील वस्ती परिसरात ते पोहोचताच के ए 48 एम 4205 या कारच्या चालकाने भरधाव वेगात येत मागून त्यांच्या दुचाकीला जोरदार धडक दिली. अपघात झाल्यानंतर तो कारचालक थांबून मदत करणे तर दूरच तो घटनास्थळावरून थेट पसार झाला.ही धडक इतकी जबरदस्त होती की सोनवणे यांना सावरण्याचीही संधी मिळाली नाही. अपघातानंतर गाडीचा चेंदामेंदा झाला, तर सोनवणे यांना रस्त्यावर पडलेलं पाहून आसपासचे लोक धावत आले. त्यांना तात्काळ रुग्णालयात नेण्यात आलं, मात्र तिथे डॉक्टरांनी तपासून त्यांना मृत घोषित केलं. या घटनेमुळे ब्रह्मपुरी परिसरात हळहळ व्यक्त होत आहे. याप्रकरणी कार चालकाविरुद्ध गुन्हा दाखल करण्यात आला आहे.