पंतप्रधान नरेंद्र मोदी यांनी नवी मुंबई आंतरराष्ट्रीय विमानतळाचे ८ ऑक्टोबर रोजी उद्घाटन केल्यानंतर विमानतळावरून प्रत्यक्षात विमाने झेपावण्यासाठी किमान ४५ दिवसांचा कालावधी लागेल, असे सांगण्यात आले होते. त्यामुळे नोव्हेंबरअखेरीस या विमानतळावरून सेवा सुरू होईल, असा अंदाज होता. मात्र, आता विलंबाने म्हणजे उद्घाटनानंतर सुमारे ७७ दिवसांनी, २५ डिसेंबरला व्यावसायिक विमानसेवा सुरू होणार आहे. त्यासाठी तिकीट नोंदणी सुरू झाल्याचे जाहीर करण्यात आले असून, ‘महाराष्ट्र टाइम्स’ने १५ नोव्हेंबरनंतर तिकीट नोंदणीला सुरुवात होणार असल्याचे वृत्त सर्वप्रथम दिले होते.
धारावीत अल्पवयीन मुलाकडून अपघात; ब्रेकऐवजी दाबला अ‍ॅक्सिलरेटर, कार थेट दाम्पत्याच्या अंगावर अन्… काय घडलं?
अकासा एअर आणि इंडिगो या दोन विमानसेवांनी शनिवारी वेळापत्रक जाहीर केले असून, त्यानुसार या विमानतळावरून झेपावणारे पहिले व्यावसायिक विमान अकासा एअरचे असेल. सध्या संबंधित विमान कंपन्यांच्या संकेतस्थळांवरूनच नवी मुंबईहून उड्डाण करणाऱ्या विमानांची तिकिटे उपलब्ध आहेत.

विमान कंपन्या इतर शहरांमधील विमानतळ ऑपरेटरशी चर्चा करत असून, या विमानतळांकडून या विमान कंपन्यांना नवी मुंबईहून उड्डाण केल्यानंतरचे स्लॉट उपलब्ध होण्यासाठी वाटाघाटी सुरू आहेत. या विमानतळावरून सेवा सुरू झाल्यानंतर पहिल्या महिन्यामध्ये १२ तासांच्या कालावधीतच नवी मुंबई आंतरराष्ट्रीय विमानतळावरून उड्डाणे होतील. त्यानंतर २४ तासांपर्यंत कालावधी वाढवण्यात येणार आहे. देशांतर्गत उड्डाणांसोबतच या विमानतळावरून होणाऱ्या आंतरराष्ट्रीय विमानोड्डाणांकडेही प्रवाशांचे लक्ष होते. ही उड्डाणेही लगचेच सुरू होण्याचा प्राथमिक अंदाज होता. मात्र या विमानतळावरून आंतरराष्ट्रीय उड्डाणे सुरू होण्यासाठी महिन्याहून अधिक कालावधी जाईल असा अंदाज आहे.
मुंबईत ‘मविआ’मध्ये फूट; BMC निवडणूक काँग्रेस स्वबळावर लढणार, रमेश चेन्नितला यांची घोषणा
इंडिगो
दिल्ली- नवी मुंबई ८.४५ ला धावपट्टीवर
नवी मुंबई- दिल्ली ९.२५ ला उड्डाण
बेंगळुरू- नवी मुंबई ८.०० ला धावपट्टीवर
नवी मुंबई- बेंगळुरू १९.४५ ला उड्डाण
कोची – नवी मुंबई १०.०० ला धावपट्टीवर
नवी मुंबई- कोची १८.२५ ला उड्डाण
नवी मुंबई- अहमदाबाद १०.१० ला उड्डाण
अहमदाबाद- नवी मुंबई १३.०० ला धावपट्टीवर
नवी मुंबई- गोवा १६.०० ला उड्डाण
गोवा- नवी मुंबई १८.५० ला धावपट्टीवर
नवी मुंबई- हैदराबाद ८.४० ला उड्डाण
हैदराबाद – नवी मुंबई ११.५० ला धावपट्टीवर
नवी मुंबई- मंगळुरू १०.४० ला उड्डाण
मंगळुरू- नवी मुंबई १७.४५ ला धावपट्टीवर
लखनऊ- नवी मुंबई ८.०५ ला धावपट्टीवर
नवी मुंबई- लखनऊ १९.३० ला उड्डाण
नवी मुंबई- नागपूर १३.४५ ला उड्डाण
नागपूर- नवी मुंबई १७.३५ ला धावपट्टीवर
मुंबईत राजकीय भूकंप, ठाकरे बंधू एकत्र आले तर महाविकास आघाडी फुटणार? काँग्रेसच्या भूमिकेने मविआ नेत्यांना धक्का
अकासा एअर
दिल्ली – नवी मुंबई ८.१० ला धावपट्टीवर
नवी मुंबई- दिल्ली ८.५० ला उड्डाण
गोवा- नवी मुंबई १७.०० ला धावपट्टीवर
नवी मुंबई- गोवा १७.४० ला उड्डाण

पहिले उड्डाण…
अकासाचे विमान दिल्लीहून सकाळी ८.१० वाजता नवी मुंबई विमानतळावर उतरेल. ते सकाळी ८.५० वाजता दिल्लीसाठी उड्डाण करेल. इंडिगोचे विमान बेंगळुरूहून सकाळी ८ वाजता नवी मुंबई विमानतळावर उतरेल. त्यानंतर ते सकाळी ९.२५ वाजता दिल्लीसाठी रवाना होईल.

दहा शहरांसाठी सेवा
पहिल्या टप्प्यात या विमानतळावरून इंडिगोची १० शहरांसाठी सेवा उपलब्ध होणार आहे. यात दिल्ली, बेंगळुरू, हैदराबाद, अहमदाबाद, लखनऊ, उत्तर गोवा, जयपूर, नागपूर, कोची, मंगळुरू या शहरांचा समावेश आहे. अकासा एअर दिल्लीप्रमाणेच गोव्यासाठीही २५ डिसेंबरला विमानसेवा पुरवेल.