राज्यात हिवाळ्याची चाहूल लागली असून अनेक जिल्ह्यांत थंडी वाढू लागली आहे. पुण्यातील पार्थ पवार जमीन घोटाळा प्रकरणात चौकशी सुरू झाल्याची माहिती देण्यात आली आहे. यावर मुख्यमंत्र्यांनी प्रतिक्रिया देताना सांगितले की, ज्यांच्या स्वाक्षऱ्या आहेत त्या सर्वांवर गुन्हा दाखल करण्यात आला आहे. या प्रकरणातील आरोपी शीतल तेजवाण अद्याप फरार असून, पोलिस तिचा शोध घेत आहेत. दरम्यान, संसदेच्या हिवाळी अधिवेशनाची तारीख जाहीर झाली असून 1 ते 19 डिसेंबरदरम्यान पंधरवड्याचे सत्र होणार आहे. या अधिवेशनात मतचोरीपासून ते SIR विषयावर वाद निर्माण होण्याची शक्यता आहे. राज्यात स्थानिक स्वराज्य संस्थांच्या निवडणुकांचा काळ जवळ आल्याने सर्व पक्षांनी तयारीला वेग दिला आहे. आज भाजपमध्ये काही महत्त्वाचे पक्षप्रवेश होणार असल्याची माहिती सूत्रांनी दिली आहे.