हडपसर टर्मिनल सुरू होऊन चार वर्षे होत आली आहेत. या ठिकाणी सध्या तीन प्लॅटफॉर्म असून, चौथ्या प्लॅटफॉर्मचं काम सुरू आहे. या टर्मिनलच्या विकासासाठी 135 कोटी रुपये रेल्वे बोर्डाने मंजूर केले आहेत. त्यानुसार रेल्वेकडून हडपसर टर्मिनलचा विकास सुरू आहे. तीन प्लॅटफॉर्मची बऱ्यापैकी कामं झाली आहेत. डिसेंबरपर्यंत हडपसर टर्मिनलचं काम पूर्ण करण्याचं उद्दिष्ट आहे. त्या दृष्टीने वेगाने कामं सुरू आहेत. हडपसर रेल्वे टर्मिनलचा विकास करण्यासाठी पुणे स्थानकाच्या दिशेने साधारण 50 गुंठे जागेची आवश्यकता आहे. त्यासाठी जमीन अधिग्रहण करावं लागणार होतं. त्याची प्रक्रिया बऱ्यापैकी पूर्ण झाली आहे.
Railway Ticket Booking : रेल्वे तिकीट बुकिंगसाठी नवी सुविधा, प्रवाशांना मोठा दिलासा, कशी आहे प्रोसेस? पुण्यात पहिल्यांदाच सुरूवात
प्रवाशांच्या दृष्टिकोनातून बऱ्यापैकी कामं झाल्यामुळे रेल्वेकडून दिवाळीच्या काळात अनेक विशेष गाड्यादेखील हडपसर येथून सोडल्या आहेत. हडपसर टर्मिनल येथे चौथा प्लॅटफॉर्म मगरपट्टाच्या बाजूने रस्ता केला जाणार आहे. चौथा प्लॅटफॉर्म ते पहिला प्लॅटफॉर्म असा पादचारी पूल तयार करून सर्व प्लॅटफॉर्म जोडले जाणार आहेत; पण सध्या चौथ्या प्लॅटफॉर्मसाठी जागा कमी पडत आहे.
Pune News : नारायण पेठ, डेक्कन जिमखान्याला जोडणारा नवा पादचारी पूल, पुण्यात मेट्रो फूट ओव्हरब्रिज कधी सुरू होणार?
सध्या चौथ्या प्लॅटफॉर्मची लांबी 450 मीटर आहे. लांबी वाढवण्यासाठी रेल्वेला अजून पाच हजार 90 स्क्वेअर मीटर जागा संपादित करावी लागणार आहे. त्यासाठी 40 कोटी रुपये लागणार आहेत. त्याबाबतचा प्रस्ताव पुणे रेल्वे विभागाकडून बोर्डाकडे पाठवला आहे. त्याला मंजुरी मिळाल्यानंतर प्लॅटफॉर्मची लांबी वाढवता येणारच आहे, अशी माहिती रेल्वेच्या वरिष्ठ अधिकाऱ्यांनी दिली आहे.

या गाड्या सुरू –

हडपसर टर्मिनल येथून सध्या हैदराबाद एक्स्प्रेस, जोधपूर एक्स्प्रेस या दोन गाड्या सुरू आहेत. ‘रिवा एक्स्प्रेस’ ही गाडी नव्याने सुरू करण्यात आली आहे. येथून ‘मेमू’ सुरू आहे. काही एक्स्प्रेसला हडपसर टर्मिनल येथे थांबा देण्यात आला आहे. नवीन प्लॅटफॉर्म मुख्य मार्गासोबत जोडण्याचं काम पूर्ण झालं आहे. त्यामुळे बऱ्यापैकी हडपसर टर्मिनलचा विकास होत आला आहे. या ठिकाणी प्रवाशांच्या सोयीच्या दृष्टिकोनातून विकासाची कामं सुरू आहेत. त्यामुळे येत्या काळात आणखी काही गाड्या हडपसर येथून सुरू होण्याची शक्यता आहे.