खोल समुद्रात जाणे पडले महागात

हे पाच कॉलेजमधील मित्र गणपतीपुळे देवदर्शन व पर्यटनासाठी शुक्रवारी सकाळी आले होते. हे सर्वजण एका खाजगी लॉजमध्ये थांबले होते. सायंकाळी साडेपाचच्या सुमारास समुद्रात आंघोळ करत असताना प्रफुल्ल, भीमराज आणि विवेक हे तिघे खोल पाण्यात गेले. काही वेळानंतर ते तिघे पाण्यात बुडू लागले. त्यावेळी त्यांच्या सहकाऱ्यांनी हे दृश्य पाहताच आरडाओरडा करायला सुरूवात केली.नाईट शिफ्ट संपली, घरी जात असताना अचानक मोठी दुर्घटना

ही घटना लक्षात येताच मोरया वॉटर स्पोर्ट्सचे जीवरक्षक आणि स्थानिक ग्रामस्थांनी धाडसाने समुद्रात उडी घेतली. त्यावेळी त्यांना तिन्ही तरुणांना पाण्याबाहेर काढण्यात यश आले पण त्यापैकी दोन मित्रांने वाचवणे शक्य झाले होते आणि एकाचा मृत्यू झाला होता. त्यानंतर, भीमराज आगाळे व विवेक शेलार यांच्यावर जिल्हा शासकीय रुग्णालयात उपचार सुरू आहेत.

चेतावणी देऊनही गेले समुद्रात

त्यांना तत्काळ गणपतीपुळे देवस्थानच्या रुग्णवाहिकेतून त्यांना मालगुंड प्राथमिक आरोग्य केंद्रात हलविण्यात आले. मोरया वॉटर स्पोर्ट्सच्या जीवरक्षकांनी समुद्रात धाव घेऊन त्यांना वाचवण्याचा शर्थीचे प्रयत्न केला मात्र एका युवकाचा मृत्यू झाला. समुद्रात जाऊ नका असं सांगूनही अनेकदा पर्यटक उत्साहाच्या भरात स्थानिकांच्या सूचनांचे पालन करत नाहीत म्हणून गणपतीपुळे समुद्रात अलीकडे वारंवार अशा स्वरूपाच्या घटना घडू लागल्या आहेत. या घटनेची नोंद रत्नागिरी जयगड पोलीस ठाण्यात करण्यात आली आहे. पर्यटकांच्या अति उत्साहामुळे गणपतीपुळे परिसरात या घटना वारंवार घडू लागले आहेत.