आलिशान सोसायटीमध्ये पत्नीची हत्या

मिळालेल्या माहितीनुसार, आरोपी पती संतोष पोहळ हे मृतक पत्नी आणि दोन मुलांसह कल्याण-मुरबाड मार्गावरील वरप गावातील विश्वजीत प्रिअर्स या आलिशान सोसायटीत राहत होते. हल्लेखोर संतोष हा ड्रायव्हर म्हणून कार्यरत होता. तर त्याची पत्नी मृतक विद्या ही टाटा मोटर्समध्ये कार्यरत होती. त्यातच काही दिवसांपासून दोघांमध्ये चारित्र्याच्या संशयावरून सतत वाद सुरू होते. याच वादातून पुन्हा दि. 6 नोव्हेंबर गुरुवारी रात्री 10 वाजल्याच्या सुमारास राहत्या घरातच वाद विकोपाला जात संतापाच्या भरात संतोषनं पत्नीवर धारदार चाकूने अनेक वार करून गळाही चिरला, त्यानंतर स्वतःवरही वार करत आत्महत्येचा प्रयत्न केला.

Buldhana News : चिमुकलीचा मृत्यू झाल्यानंतर अंत्यसंस्कार करत तिला पुरलं, सकाळी… बुलढाण्यात हळहळ व्यक्त

उपचारादरम्यान दुर्दैवी मृत्यू

घटनेची माहिती मिळताच कल्याण तालुका ग्रामीण हद्दीतील म्हारळ पोलीस चौकीचे अधिकारी दत्तात्रय नलावडे व पथक घटनास्थळी दाखल होऊन पंचनामा करत घटनेचा तपास सुरु केला असता, प्राथमिक तपासात वैवाहिक वाद आणि संशयातून ही घटना घडल्याचं स्पष्ट झालं आहे. तर गंभीर जखमी अवस्थेत दोघांनाही तात्काळ उल्हासनगर येथील मध्यवर्ती शासकीय रुग्णालयात दाखल करण्यात आलं. मात्र, पत्नी विद्या यांचा उपचारादरम्यान मृत्यू झाला, तर संतोषची प्रकृती चिंताजनक असल्याचं डॉक्टरांनी सांगितलं.

Beed News : ’25 कोटींची ऑफर मी नाकारली, म्हणून…’, गंगाधर काळकुटेंचं धनंजय मुंडेंच्या आरोपांना प्रत्युत्तर; बीडमध्ये वातावरण तापलं

घटनेनं परिसरात भीतीचं वातावरण

दरम्यान, या धक्कादायक घटनेमुळे कल्याण तालुक्यात मोठी खळबळ उडाली आहे. शांत आणि सुरक्षित मानल्या जाणाऱ्या विश्वजीत प्रिअर्ससारख्या प्रतिष्ठित सोसायटीत घडलेल्या या प्रकारामुळे रहिवाशांमध्ये भीती आणि अस्वस्थता निर्माण झाली आहे. या गंभीर घटनेचा अधिक तपास पोलीस पथक करीत असल्याची माहिती वरिष्ठ पोलीस निरीक्षक पंकज गिरी यांनी दिली आहे.