Buldhana News : बुलढाणा जिल्ह्यातील मेहकर येथे एका दीड वर्षाच्या बालिकेचा मृत्यू झाला. पोलिसांनी घातपात नसल्याचे स्पष्ट केले असून प्रशासनाकडून भटक्या कुटुंबांना मदतीची मागणी होत आहे. नेमकं काय घडलं? जाणून घ्या.
पोलीस निरीक्षक व्यंकटेश्वर अलीवार यांनी दिलेल्या माहितीनुसार मेहकर जानेफळ रस्त्यावरील पालवात राहणाऱ्या एका भटक्या कुटुंबातील दीड वर्षाच्या बालिकेची प्रकृती अचानक बिघडली होती. तिला ग्रामीण रुग्णालयात नेण्यात आले, डॉक्टरांनी प्रकृती गंभीर असल्याने पुढील उपचारासाठी तिला तातडीने हलविण्याचा सल्ला दिला. मात्र उपचारापूर्वीच या चिमुकलीने रस्त्यातच अखेरचा श्वास घेतला.
Buldhana Crime: लेक बनला हैवान! जन्मदात्या आईबापाला संपवलं, झोपेत असतानाच घातले कुऱ्हाडीचे घाव, अन् नंतर…
भटक्या समाजातील हे कुटुंब असल्याने त्यांनी आपला शोक दाबत रात्री जानेफळ रस्त्यालगत असलेल्या महानुभाव पंथाच्या स्मशानभूमी जवळ चिमुकलीवर अंत्यसंस्कार केले. खड्डा पुरेसा खोल न झाल्याने प्रेत नीट पुरले गेले नसल्याचे समोर आले आहे. याच कारणामुळे रात्री उशिरा मोकाट कुत्र्यांनी तो खड्डा उकरून मृतदेह बाहेर काढला आणि शरीराचे काही भाग फाडून नेले. पहाटे परिसरातील नागरिकांनी मानवी अवयव दिसल्याने शहरात एकच खळबळ उडाली घटनेची माहिती मिळतात पोलीस निरीक्षक व्यंकटेश्वर आलेवार त्यांचे पथक श्वान पथक आणि फॉरेन्सिक टीम घटनास्थळी दाखल झाले. तपासानंतर हा प्रकार कोणत्याही घातपात नसून अंत्यसंस्कार करताना खड्डा पुरेसा खोल न खोदल्यामुळे ही दुर्दैवी घटना घडल्याचं पोलिसांनी स्पष्ट केले आहे. या घटनेने परिसरात हळहळ व्यक्त होत असून सामाजिक संस्थांनी अशा भटक्या कुटुंबांना प्रशासनाने योग्य मार्गदर्शन आणि मदत करावी अशी मागणी केली आहे.