Shrikant Shinde Vs Raj Thackeray: राज ठाकरे यांनी छत्रपती शिवाजी महाराजांच्या किल्ल्यांवर नमो टुरिझम सेंटर्स उभारण्यास विरोध करत ते फोडण्याचा इशारा दिला आहे. यावर शिंदे गटाचे खासदार श्रीकांत शिंदे यांनी पलटवार करत राज ठाकरे यांच्यावर टीका केली आहे.
दरम्यान, पंतप्रधान नरेंद्र मोदींच्या पंचाहत्तरीनिमित्त छत्रपती शिवाजी महाराजांच्या किल्ल्यांवर नमो टुरिझम सेंटर्स उभे करणार असल्याची उपमुख्यमंत्री एकनाथ शिंदे यांनी घोषणा केलेली आहे. त्यावरून मनसेप्रमुख राज ठाकरेंनी एकनाथ शिंदेना चांगलंच घेरलं आहे. त्यांनी नमो टुरिझम उभे केले की फोडून टाकणार असा थेट इशारा दिला आहे.
Raigad News: वाशी-पनवेल लोकलमध्ये तरुणांची हुल्लडबाजी; प्रवाशांना नाहक त्रास, स्टेशन येताच टवाळखोरांचं वातावरण टाईट
दरम्यान, यावरुन आता पहिल्यांदाच शिंदे सुपुत्र खासदार श्रीकांत शिंदे यांनी राज ठाकरेंवर पलटवार केला आहे. हे लोक काहीही निर्माण करू शकत नाहीत त्यामुळे तोडफोडीची भाषा करतात अशी जोरदार टीका श्रीकांत शिंदे यांनी राज ठाकरेंवर केली आहे. विशेष म्हणजे राज यांच्यावर श्रीकांत शिंदे यांनी यावेळी पहिल्यांदाच अशी थेट टीका केली आहे.
राज्य सरकारच्या पर्यटन विभागाने किल्ल्यांवर नमो केंद्रांची उभारणी केली तरी ती मोदींच्या नावाने उभी करण्याला राज ठाकरेंनी विरोध केला आहे. त्यांनी हे केंद्र फोडून टाकण्याचा आदेश मनसैनिकांना दिला आहे. त्यावरुनच आता एकनाथ शिंदे यांचे चिरंजीव श्रीकांत शिंदे यांनी राज यांच्यावर टीका केली आहे. ते आज बुलढाण्यात पत्रकारांशी बोलत होते.
ही टीका करताना श्रीकांत शिंदे म्हणाले ” राज ठाकरे नमो पर्यटन केंद्र फोडण्याचा इशारा देतात कारण, त्यांच्याकडून काहीही चांगलं झालेलं नाही. ही लोकं काही निर्माण करु शकत नसल्याने तोडाफोडीची भाषा करतात. एवढी आगपाखड करण्याची गरज काय?” असं म्हणत श्रीकांत शिंदे यांनी राज ठाकरेंना टार्गेट केलं आहे.
ते पुढे म्हणाले की, “गडकिल्ल्यांवर पर्यटकांना माहिती मिळण्यासाठी ते केंद्र सुरु करण्यात येणार आहेत. किल्ल्यांच्या किंवा मंदिरांच्या जीर्णोद्धारांच काम महायुती सरकारनेचं केलं. त्यामुळे नरेंद्र मोदींचं कौतुक करण्याऐवजी ते फोडण्याची भाषा करतात. मात्र कधी काळी यांनीही नरेंद्र मोदींचे कौतुक केले होते”, असाही टोला श्रीकांत शिंदेंनी राज ठाकरेंना लगावला आहे.
लेखकाबद्दलसुनिल लाटेसुनिल प्रभाकर लाटे, हे एक पत्रकार आहेत. त्यांनी डॉ. बाबासाहेब आंबेडकर मराठवाडा विद्यापीठ येथून बी.ए व एम.ए. पत्रकारितेचं पदव्यूत्तर शिक्षण पूर्ण केलं आहे. कॉलेज जीवनातच ‘दैनिक दिव्य मराठी’मध्ये पत्रकारितेचं प्रत्यक्ष प्रशिक्षण घेतलं आहे. दोन वर्षे ‘लोकसत्ता डॉट कॉम’साठी ‘फोटोगॅलरी व वेबस्टोरी’ या विभागात काम केलं आहे. ते ६ ऑक्टोबर २०२५ पासून ‘महाराष्ट्र टाईम्स’ ऑनलाईनमध्ये कार्यरत आहेत. राजकारण, मनोरंजन, क्रीडा या विषयांच्या लिखाणात आवड आहे. याशिवाय काव्य लेखन, गीत लेखन आणि सादरीकरणातही स्वारस्य आहे. फोटोग्राफी, फोटो, व्हिडिओ संपादनातही खास रस आहे… आणखी वाचा