Powai studio Hostage Case : रोहितने १७ मुलांचे दोन ते तीन गट केले. काही जणांना एक खोलीत कोंडले, तर काहींचे हात-पाय बांधले.
पवईमधील साकीविहार मार्गावरील महावीर क्लासिक इमारतीमध्ये असलेल्या ‘आरए’ स्टुडिओमध्ये रोहितने एक सभागृह भाडेतत्त्वावर घेतले होते. एक माहितीपट चित्रित करायचा असल्याची जाहिरात देत त्याने राज्यभरातील १५ वर्षांच्या मुलांना बोलावले होते. १७ मुले गुरुवारी चित्रिकरणासाठी उपस्थित होती. मुले स्टुडिओमध्ये दाखल होण्यापूर्वीच रोहितने आपल्या सहकाऱ्यांना घेऊन अपहरणदृश्याची तयारी केली.
Rohit Arya : मुलांना दहा मिनिटे भेटून घ्या, रोहित आर्याचा सकाळी 9.45 ला मेसेज, जळगावच्या शिक्षकाने लेकीला टाटा केलं अन्…
मुलांना स्टुडिओत घेऊन एक ज्येष्ठ महिला वगळता इतर सर्व पालकांना बाहेर राहण्यास सांगितले. त्याने १७ मुलांचे दोन ते तीन गट केले. काहींना एक खोलीत कोंडले, काहींचे हात-पाय बांधले. पूर्वतयारी होऊनही प्रत्यक्षात चित्रिकरण सुरू होत नसल्याने ज्येष्ठ महिला आणि काही मुलांच्या मनात संशयाची पाल चुकचुकली. त्यानंतर काही वेळातच रोहितचा पोलिसांसोबत सुरू असलेला संवाद कानावर पडला. त्यावेळी आपल्याला ओलिस ठेवल्याचे मुलांच्या लक्षात आले. रोहितने काही मुलांना मारल्याचेही म्हटले जात आहे.
शहानिशा आणि रसायनांची फवारणी
चित्रिकरणाला सुरुवात करण्यापूर्वी रोहितने स्टुडिओचे सर्व दरवाजे नीट बंद आहेत का, याची खात्री केली.
सीसीटीव्ही, सेन्सर चालू आहेत का, याचीही शहानिशा केली.
यानंतर ज्वलनशील रसायने सगळीकडे फवारली. काळ्या पडद्यांवरही ती फवारली.
दरम्यान, पवई येथील ओलिसनाट्य प्रकरणात पोलिसांनी अपहरणकर्ता रोहित आर्या याच्या विरोधात अपहरण आणि हत्येच्या प्रयत्नाचा गुन्हा दाखल केला असून, पोलिसांच्या गोळीबारात झालेल्या मृत्यूप्रकरणी अपमृत्यूची नोंद करण्यात आली आहे. या दोन्ही प्रकरणांचा गुन्हे शाखेकडून स्वतंत्रपणे तपास सुरू असून, त्यासाठी दोन वेगवेगळी पथके तयार करण्यात आल्याची माहिती एका अधिकाऱ्याने दिली.Ratnagiri News : बारसं झालं अन् मध्यरात्री बाळाचं अंग गार पडलं, काही मिनिटातच मृत्यूने गाठलं, नार्वेकर कुटुंबावर शोककळा, नेमकं काय घडलं?
रोहित याच्याविरुद्ध दाखल असलेल्या अपहरण आणि हत्येच्या प्रकरणाचा तपास गुन्हे शाखा युनिट आठचे प्रभारी पोलिस निरीक्षक लक्ष्मीकांत साळुंखे यांच्याकडे देण्यात आला आहे. तर पोलिसांच्या गोळीबारात झालेल्या रोहितच्या मृत्यूचा तपास युनिट दोनचे प्रभारी पोलिस निरीक्षक दिलीप तेजनकर आणि विशाल राजे यांचे पथक करीत आहे. या अपमृत्यूची न्यायालयीन चौकशीही होणार असल्याची माहिती एका अधिकाऱ्याने दिली.
लेखकाबद्दलअनिश बेंद्रेअनिश सतीश बेंद्रे, महाराष्ट्र टाइम्स ऑनलाईनमध्ये सहाय्यक वृत्त संपादक पदावर कार्यरत आहेत. गेल्या तीन वर्षांपासून ते मटासोबत काम करत आहेत. राजकीय, गुन्हेगारी आणि मनोरंजन या विषयातील बातम्यांमध्ये त्यांचा विशेष हातखंडा आहे. ब्रेकिंग न्यूजसोबतच निवडणूक विषयक विश्लेषण करण्यात त्यांना अधिक रस आहे. त्यांनी झेविअर्स कॉलेजमधून मास कम्युनिकेशनचे पदव्युत्तर शिक्षण घेतले आहे. आतापर्यंत एबीपी माझा, टीव्ही9 मराठीसह पत्रकारिता क्षेत्रात 12 वर्षांहून अधिक काळचा अनुभव त्यांना आहे… आणखी वाचा