आपल्या ग्रामीण भागात आजही अनेक परिवारांची हलाखीची परिस्तिथी आहे. असा एक परिवार अकोल्याच्या बाळापूर तालुक्यातील हातरुण या गावात राहतो. या परिवारावर आज शोककळा पसरली आहे. कारण या परिवारातील आठ वर्षाचा चिमुकला अंगावर भिंत कोसळल्याने दगावला आहे. शेख हसनैन शेख बिस्मिल्लाह कुरेशी असं मृत मुलाचं नाव आहे. शेख हसनैन शेख बिस्मिल्लाह कुरेशी हा त्याच्या परिवारातील एक मोठा भाऊ आणि मोठ्या बहिणीनंतर सर्वात लहान मुलगा होता. आई-वडील हातमजुरीवर आपल्या संसाराचा गाडा हाकतात. मात्र, आज या गरीब परिवारावर आठ वर्षाचा चिमुकला दगवल्याने शोककळा पसरली आहे.

Raigad News: ‘पिक्चर अभी बाकी है…’ म्हणत सुनील तटकरेंचा ठाकरे बंधूंना मोठा धक्का; सत्ता समीकरण बदलणार?

कशी घडली घटना?

अकोल्याच्या बाळापूर तालुक्यातील हातरूण गावात आज रविवारी रोजी दुपारी 12:30 ते 1.00 वाजेच्या सुमारास एक हृदयद्रावक घटना घडली. ती म्हणजे घराची भिंत कोसळून एका निष्पाप आठ वर्षीय मुलाचा मृत्यू झालाय. शेख हसनैन शेख बिस्मिल्लाह कुरेशी असं या मुलाचं नाव असून, हा चिमुकला मधुकर नारायण गावंडे यांच्या पडक्या घराजवळून जात असतांना गावंडे यांच्या घराची भिंत अचानक कोसळली. शेख हसनैन शेख बिस्मिल्लाह कुरेशी हा तेथूनच जात असल्यानं तो भिंतीच्या मलब्याखाली दबला गेला. गावातील नागरिकांनी त्याला तात्काळ जवळच्या रुग्णालयात हलवले, मात्र पूर्ण उपचार मिळत नसल्यानं अकोल्यातील शासकीय रुग्णालयात उपचारासाठी आणण्यात आल. मात्र, तोपर्यंत नियतीने आपला डाव साधला होता. डॉक्टरांनी त्याला मृत घोषित करताच गावात शोककळा पसरली. या घटनेमुळे हातरुण गावात सर्वत्र शोककळा पसरली आहे.