पोलिसांकडून मिळालेल्या माहितीनुसार, शनिवारी राजेश हा त्याच्या कारने मित्र पिंटू सुरेश राजपूत (वय 32 रा. नारी वस्ती), अण्णा सहारे (रा.म्हाडा कॉलनी) आणि संजय आदी पिकनिकसाठी मनसरला गेले. सायंकाळी 6 वाजता ते कामठी येथे आले. रात्री 10 वाजताच्या सुमारास संजय व अण्णा या दोघांना म्हाडा क्वॉर्टरमध्ये सोडलं. राजेश व पिंटू घरी जात होते. कार राजेश चालवित होता. याचदरम्यान राजेशचे कारवरील नियंत्रण सुटलं. कारने रस्त्यावर उभ्या ई-रिक्षाला धडक दिली. आवाजाने ई-रिक्षा मालक व त्याची पत्नी घराबाहेर आले. त्यांनी पिंटू व राजेशसोबत वाद घालायला सुरूवात केला. उद्या, नुकसान भरपाई देऊ, असं आश्वासन राजेशने ई-रिक्षा मालकाला दिलं.

‘फडणवीसांनी कमीत कमी माफी तर मागावी’; फलटण प्रकरणी बच्चू कडूंनी सरकारला धरलं धारेवर, म्हणाले, ‘राजीनामा…’

ई-रिक्षा मालकाने मोबाइलवर कोणाशी तरी संपर्क साधला. काही वेळात हर्षल, गौरव व त्याचे साथीदार तेथे आले. त्यांनी राजेश व पिंटूला मारहाण करायला सुरूवात केली. झटापटीत हर्षलही जखमी झाला. राजेश व पिंटूने त्यांच्या तावडीतून सुटका केली. दोघेही वेगवेगळ्या दिशेने पळायला लागले. हर्षल व त्याच्या साथीदारांनी पाठलाग करून राजेशला पकडले. चाकूने त्याच्या शरीरावर वार केले राजेश रक्ताच्या थारोळ्यात जमिनीवर कोसळला. या घटेनंतर हर्षल व त्याचे साथीदार पसार झाले. पिंटूने राजेशला मेयो हॉस्पिटलमध्ये दाखल केले असता डॉक्टरांनी तपासून राजेशला मृत घोषित केलं. पिंटूने कपिलनगर पोलिसांना माहिती दिली. कपिलनगर पोलिसांनी गैरकायद्याची मंडळी जमवून ठार मारण्याचा गुन्हा दाखल करून हर्षल व त्याच्या भावाला अटक केली आणि अल्पवयीन मुलाला ताब्यात घेतलं. दरम्यान, पोलीस फरार आरोपींचा शोध घेत आहेत.