लग्नाहून परतणाऱ्या विकासला घराबाहेर गाठत टोळक्याने संपवलं
जालना शहरामध्ये मागील काही दिवसापासून गुन्हेगारी मोठ्या प्रमाणात वाढली आहे. मारहाण दरोडे, अशा घटना मोठ्या प्रमाणात घडत आहे. पोलीस प्रशासन फक्त बघ्याची भूमिका घेत असल्याची चर्चा संपूर्ण जालना शहरात सुरू आहे . कारण दोन दिवसांपूर्वी एका व्यापाऱ्याच्या पुतण्याला टवाळखोर तरुणांनी रस्त्यात त्याची गाडी अडवून अमानुष मारहाण केल्याची घटना ताजी असतानाच रात्री एका 25 वर्षीय तरुणाचा टवाळखोर टोळक यांनी एकत्र येत लाठ्या काट्यांनी आणि लोखंडी रॉडनी मारहाण करत खून केला आहे. त्यामुळे पोलिसांच्या कार्यक्षमतेवर सर्वसामान्य नागरिकांमधून प्रश्नचिन्ह निर्माण होत आहे.
दिनांक 24 ऑक्टोंबर रात्री 12 ते 12:30 वाजेच्या दरम्यान सामाजिक कार्यकर्ते प्रकाश लोंढे यांचा मुलगा विकास लोंढे हा एका नातेवाईकाच्या लग्न समारंभाचा कार्यक्रम हटवून शहरात नूतन वसाहत येथे असलेल्या त्याच्या घरी आला यावेळी अवघ्या काही अंतरावरच घर होते, त्यातच त्याला काही टवाळखोर तरुणांनी अडवले. तू सोशल मीडियावर महापुरुषांचे व्हिडिओ का व्हायरल करतो, असे विचारले त्यावेळी विकासने तो माझा छंद आहे, असे म्हटले या क्षणी त्याला या टवाळखोर गुंडांनी अमानुष मारायला सुरुवात केली. यावेळी आरडाओरडा झाला असता त्याचे आई-वडील व आसपासचे नागरिक भांडण सोडायला पळाले. मात्र तोपर्यंत बराच उशीर झाला होताय त्याच्या डोक्याला पायाला या टवाळखोर गुंडांनी लोखंडी रॉड मारला होता.
आसपासचे नागरिक जमा होत असे पाहतात या टवाळखोर गुंडांनी घटनास्थळावरून पळ काढला, यावेळी त्याला तात्काळ जिल्हा रुग्णालयात हलवले मात्र प्रकृती गंभीर असल्याने त्याला पुढील उपचारासाठी छत्रपती संभाजीनगर येथे शासकीय रुग्णालयात हलवले त्या ठिकाणी त्याच्यावर डॉक्टरांनी उपचार करायला सुरुवात केली. मात्र उपचारादरम्यानच विकास लोंढे या 25 वर्षीय तरुणाने या जगाचा निरोप घेतला.