मृत रवींद्र जाधव हा सध्या (Police Training Centre Solapur) येथे प्रशिक्षण घेत होता. दिवाळीच्या सुट्टीमुळे तो काही दिवसांसाठी पुण्यातील आपल्या मित्राकडे राहण्यासाठी आला होता. त्याचा मित्र स्पर्धा परीक्षेची तयारी करत होता. मंगळवारी सकाळी रवींद्रने आपल्या खोलीचा दरवाजा बंद करून झोप घेतली. काही तासांनंतर दुपारी मित्रांनी त्याला उठवण्यासाठी हाक दिली, मात्र, आतून कोणताही प्रतिसाद आला नाही. दरवाजा तोडून आत प्रवेश केला असता रवींद्र बेशुद्धावस्थेत जमिनीवर पडलेला आढळला. त्याला तातडीने जवळच्या खासगी रुग्णालयात नेण्यात आलं; मात्र उपचार सुरू होण्यापूर्वीच डॉक्टरांनी त्याला मृत घोषित केलं.

Buldhana Crime : नवरा-बायकोचं प्रवासात भांडण, पत्नी अर्ध्या रस्त्यातून माहेरी, पतीने पोटच्या लेकींना संपवलं; महाराष्ट्र हादरला

कीटकनाशक फवारणीमुळे गुदमरल्याचा संशय

घटनेची माहिती मिळताच विश्रामबाग पोलीस ठाण्याचे अधिकारी घटनास्थळी दाखल झाले. प्राथमिक चौकशीत सदनिकेत नुकतीच कीटकनाशक फवारणी झाल्याचं समोर आलं. पोलिसांनी प्राथमिक अंदाज व्यक्त केला आहे की, विषारी वायूमुळे गुदमरून मृत्यू झाला असावा. सध्या पोलिसांनी आकस्मिक मृत्यू अशी नोंद केली असून, शवविच्छेदन अहवाल आल्यानंतर मृत्यूचं नेमकं कारण स्पष्ट होणार आहे, अशी माहिती विश्रामबाग पोलीस ठाण्याचे गुन्हे शाखा निरीक्षक अरुण घोडके यांनी दिली. या घटनेने प्रशिक्षणार्थी पोलिस कर्मचाऱ्यांच्या निवास व्यवस्थेच्या सुरक्षिततेबाबत प्रश्न उपस्थित झाले आहेत. विषबाधा, गुदमरून मृत्यू की इतर काही कारण, याचा सखोल तपास सुरू आहे.

Nagpur Crime : पेट्रोल पंपावर जीवघेणा हल्ला, पैशांच्या वादातून सपासप वार करत गंभीर जखमी; तरुणाचा उपचारादरम्यान मृत्यू

धनंजय देसाईंच्या बंगल्याशेजारी आढळलेल्या मृतदेहाचे गूढ उकललं

पुणे जिल्ह्यातील पौडजवळील दारवली गावात एका तरुणाचा मृतदेह आढळला होता. या मृतदेहाची ओळख पडली असून सागर भाऊराव मेश्राम असं मृताचं नाव असल्याचं समोर आलं आहे. हा मृतदेह पौडजवळील परमार बंगल्याशेजारी आढळला होता. या बंगल्यात हिंदूराष्ट्रसेनेचे अध्यक्ष धनंजय देसाई राहतात. मृत सागर मेश्राम गोशाळेत गुराखी म्हणून काम करत होता. घटनेने परिसरात खळबळ उडाली असून पोलिसांनी घटनास्थळी पाहणी केली.