गेले काही दिवस पुण्यामध्ये रवींद्र धंगेकर विरूद्ध मुरलीधर मोहोळ असा सामना रंगलाय. जैन बोर्डिंग जागेच्या व्यवहारप्रकरणी मोहोळांनी राजीनामा द्यावा, अशी भूमिका धंगेकरांनी मांडली.दरम्यान, आज यामध्ये जैन मुनी श्री गुप्ती नंदीडी महाराज यांची एन्ट्री झाली.त्यांनी नोव्हेंबरच्या आतमध्ये जैन बोर्डिंगचा हा व्यवहार रद्द करा अशी मागणी केली आहे. असे नाही झाले तर देशभर मोठे आंदोलन करु असा इशाराच दिला आहे.यानंतर आज खासदार मुरलीधर मोहोळ जैन बोर्डिंगमध्ये दाखल झाले. मोहोळ म्हणाले, लवकरात लवकर हा विषय समाजाला हवा तसाच सुटला जाईल. कोणत्याही प्रकारे आपल्याला हक्कांसाठी न्यायासाठी भांडावं लागणार नाही. दरम्यान, यावेळी बोर्डिंगमधून बाहेर पडताना मोहोळांना जैन बांधवांनी घेराव घातला. जैन बोर्डिंगचा संपूर्ण व्यवहार रद्द व्हावा अशी मागणी करणाऱ्या घोषणा दिल्या आहेत.