दीपावली सणात प्रचंड खरेदी केली जाते. कपडे, सोने- चांदी, इतर अनेक वस्तूंची मोठ्या प्रमाणात खरेदी केली जाते. यामध्येच नागरिक गोडधोड मिठाईही प्रचंड प्रमाणात खरेदी करताना दिसतात. त्यासाठी ते नेहमीच दर्जेदार मिठाई दुकांनाना प्राधान्य देत असतात. अशातच आता पनवेल मधील प्रसिद्ध अशा प्रशांत कॉर्नर या स्वीट शॉपमध्ये स्वच्छतेबाबतचा ढिसाळ कारभार दिसल्यामुळे नागरिकांमध्ये नाराजीचा सूर दिसून येत आहे.
‘३० वर्षे मुंबईच्या चौपाटीवर लाटा मोजत बसलो नव्हतो’; कोणत्या पक्षात जायचे ते मी ठरवेन, रामराजे निंबाळकरांकडून पक्षांतराचे संकेत
अनेक वर्ष प्रसिद्ध असलेल्या या ब्रँडवर अशा प्रकारची शंका निर्माण होणे म्हणजे ग्राहकांच्या विश्वासाला तडा जाणे होय. विशेष म्हणजे, या व्हायरल व्हिडिओबाबत दुकान मालकांना जाब विचारल्यावर व्यवस्थापक हरेश बोबडे यांनी “तुमच्याकडे पुरावा आहे का?” असा प्रतिप्रश्न उपस्थित करत उडवाउडवीची उत्तरे दिली. त्यांच्या या प्रतिक्रियेमुळे या व्हायरल व्हिडिओबाबत अधिक संशय वाढतो आहे.

दुकानात सिसीटीव्ही कॅमेरे असतानाही व्यवस्थापनाने या प्रकाराची तत्काळ दखल न घेणे, ही निष्काळपणाची वृत्ती स्पष्ट करते. तज्ज्ञांच्या मते, माशी लागलेल्या खाद्यपदार्थांमुळे फूड पॉयझनिंग, टायफाइड, कॉलरा, डिसेंटरी, हेपॅटायटिस-A अशा गंभीर आजारांना सामोरे जावे लागू शकते. त्यामुळे सध्या ग्राहकांकडून या प्रकरणाची सखोल चौकशी करण्याची आणि खाद्य व औषध प्रशासनाने (FDA) हस्तक्षेप करून योग्य ती कारवाई करण्याची मागणी केली जात आहे.

“प्रशांत कॉर्नर” यासारख्या प्रतिष्ठित दुकानांनी दर्जा, स्वच्छता आणि ग्राहकांच्या आरोग्याचे भान ठेवणे अत्यंत गरजेचे आहे. अन्यथा, ‘ब्रँड’च्या नावाने ग्राहकांना विष दिले जात आहे, असा आरोप केला जात आहे. स्वच्छता नसेल, तर चव आणि ब्रँड काय कामाचे?असेही मत ग्राहकांनी व्यक्त केले आहे.