नेमकं काय, कसं घडलं?

सात दिवसांपूर्वी शेतकऱ्यांच्या प्रश्नावर संजयकाका पाटील यांनी तासगाव मध्ये चक्काजाम आंदोलन पुकारलं होतं, या आंदोलनामध्ये संजयकाका पाटील यांनी शेतकऱ्यांना येण्याचं आवाहन केलं होतं. शेतकऱ्यांच्या प्रश्नासाठी तासगाव तालुक्यातल्या निमणी येथील एक तरुण युवा शेतकरी श्याम राजमाने हा आपल्या एका बैलासह औताला स्वतः बांधून बैलगाडी घेऊन चक्क पाच किलोमीटर अनवाणी पायाने चालत पोहोचला होता. त्याचा हा व्हिडिओ सोशल मीडियावर व्हायरल झाला होता. त्यानंतर माजी खासदार संजयकाका पाटील यांच्या पर्यंत देखील हा व्हिडिओ पोहोचला. मग आपल्या आंदोलनात युवा शेतकरी अशा पद्धतीने सहभागी झाल्याने भावुक झालेल्या संजयकाका पाटील यांनी त्या युवा शेतकऱ्याची विचारपूस केली, त्यावेळी त्याच्याकडे एकच बैल असल्याचं समोर आलं.
शेतकऱ्यावर क्रूर हल्ला करणाऱ्या ‘त्या’ वाघाचा गोंडपिपरी शहरामध्ये मुक्त संचार; नागरिकांमध्ये दहशत, जेरबंद करण्याचं वनविभागापुढे आव्हान

एक लाखाचा बैल भेट

त्यानंतर संजयकाका पाटलांनी श्याम राजमाने या युवा शेतकऱ्याला थेट एक लाखाचा बैल खरेदी करून भेट म्हणुन दिला आहे. संजयकाका पाटील यांचा मुलगा प्रभाकर पाटील यांनी थेट शाम राजमाने यांच्या दारात नेऊन बैल बांधत दिवाळी निमित्ताने ही भेट दिली आहे. ही भेट पाहून शेतकरी श्याम राजमाने अतिशय आनंदी झाला आहे. त्याच्या चेहऱ्यावरचा आनंद सर्वकाही सांगून जात होता. या घटनेची तालुक्यात सध्या चांगलीचं चर्चा रंगली आहे.

दरम्यान, श्यामने संजयकाका पाटलांचे आभार मानले आहेत. शेतकऱ्यांच्या संकटकाळात त्याच्या मदतीला धावून जाणं त्याच्यासाठी किती सुखावणारी बाब असते हेच या घटनेतून दिसून येत आहे.