Pune Ring Road : पुणे रिंग रोड प्रकल्पाचं काम पुन्हा एकदा अडचणीत आलं असून पहिल्या टप्प्यातील सोलू ते वडगाव शिंदे कामाची निविदा काढण्यात अडचण येत आहे. यामुळे नागरिकांना आणखी काही काळ वाहतूक कोंडीचा त्रास होणार आहे.
Pune News : मुठा नदीच्या दोन्ही बाजूंना तयार होतोय सेवा रस्ता, महामार्गावरील कोंडी होणार कमी; कुठून-कसा असेल मार्ग?बाहेरून येणारी अवजड वाहनं पुणे शहरात येऊ नयेत, तसंच पुणे आणि पिंपरी-चिंचवड शहरातील वाहतूक कोंडी कमी व्हावी यासाठी रिंग रोड महत्त्वाचा आहे. महत्त्वाची बाब म्हणजे १९९७ मध्ये हा रस्ता पुणे जिल्हा प्रादेशिक योजनेत प्रस्तावित करण्यात आला. मात्र, आजपर्यंत तो मार्गी लागलेला नाही. पहिल्या टप्प्यात सोलू, निरगुडे ते वडगाव शिंदे अशा पाच किमीच्या रस्त्याचं काम हाती घेतलं आहे. पण यासाठी भूसंपादन प्रस्ताव ‘पीएमआरडीए’ ने जिल्हाधिकारी कार्यालयाला पाठवला होता. त्यानुसार वन आणि संरक्षण विभाग वगळून इतर जागा ताब्यात आली आहे.
पुण्यातून मराठवाड्यात जाण्यासाठी दिवाळी विशेष रेल्वे; नांदेड-हडपसर ट्रेनमुळे प्रवाशांना फायदा, कोणत्या स्थानकांत थांबे?पहिला टप्प्यातील 23 हेक्टर जागा सोलू ते वडगाव शिंदे दरम्यान असून ती वन आणि संरक्षण विभागाची आहे. त्यापैकी वन विभागाची जागा मिळण्याबाबत राज्य सरकारकडे प्रस्ताव पाठवण्यात आला आहे. त्यानुसार जागा ‘पीएमआरडीए’ला मिळेल. मात्र संरक्षण विभागाची जागा ताब्यात नसल्याने निविदा काढण्याबाबत अद्याप निर्णय झालेला नाही, अशी माहिती पीएमआरडीए, महानगर आयुक्त, डॉ. योगेश म्हसे यांनी दिली आहे.
‘पीएमआरडीए’ने अर्थसंकल्पात 145 कोटी 75 लाख रुपयांची तरतूद या रस्त्यासाठी केली आहे. 65 मीटर रुंद आणि 128 किमी लांबीचा हा रस्ता आहे. सोलू ते निरगुडे आणि निरगुडे ते वडगाव शिंदे असे दोन भाग करण्यात आले आहेत. सोलू ते वडगाव शिंदे या 4.7 किमी लांबीच्या पहिल्या टप्प्याचं काम सुरू आहे. या पहिल्या टप्प्यामुळे रस्त्यावरील वाहतूक कोंडी कमी होण्यास मदत होणार आहे. मावळ तालुक्यातील परंदवडी ते खेड तालुक्यातील सोलू असा ४० किमीचा हा रस्ता महाराष्ट्र राज्य रस्ते विकास महामंडळ (एमएसआरडीसी) विकसित करणार आहे. या रस्त्याला राज्य सरकारकडून सर्व मान्यता प्राप्त झाल्या आहेत.
जमीन प्रकरणाच्या आरोपांना उत्तर, धंगेकर म्हणाले मोहोळ यांची ED चौकशी करा
वर्तुळाकार रस्त्याचा आढावा
– हा रिंग रोड, रस्ता एकूण 44 गावांतून जाणार आहे
– खेडमधील 1, हवेली 27, मुळशी 10 आणि मावळमधील 6 गावांचा या रस्त्यात समावेश
– प्रकल्पासाठी 743.41 हेक्टर जागा आवश्यक
– एकूण 128 किलोमीटर लांबीचा रस्ता असून, त्यापैकी सुमारे 83 किलोमीटर लांबीचं काम ‘पीएमआरडीए’ करेल, ४० किमीचं काम ‘एमएसआरडीसी’, तर ५.७० किमीचं काम महापालिका करणार आहे.
लेखकाबद्दलकरिश्मा भुर्केकरिश्मा भुर्के, महाराष्ट्र टाइम्स ऑनलाइनमध्ये सिनीअर डिजिटल कंटेंट प्रोड्युसर म्हणून कार्यरत. सामना, झी २४ तास, न्यूज १८ लोकमतसह ७ वर्ष पत्रकारिता क्षेत्रातील अनुभव. राष्ट्रीय-आंतरराष्ट्रीयसह, सामाजिक, गाव-खेड्यातील विविध विषयांवर लेखनाची आवड. मागील ३ वर्षांपासून महाराष्ट्र टाइम्समध्ये कार्यरत. जोशी-बेडेकर कॉलेजमधून बॅचलर ऑफ मास मीडियाची पदवी, त्यानंतर साठे महाविद्यालयातून मास्टर्स इन जर्नालिजमचं शिक्षण पूर्ण केलं आहे.… आणखी वाचा