अंधेरी, वाशी अव्वल

मुंबईतील चारही प्रादेशिक परिवहन कार्यालयांपैकी (आरटीओ) अंधेरी अर्थात मुंबई पश्चिम आरटीओत सर्वाधिक ८२.७३ टक्के जुन्या वाहनांना एचएसआरपी बसवण्यात आली आहे. महामुंबईत वाशी आरटीओच्या हद्दीतील ९१ टक्के वाहनांना एचएसआरपी बसवण्याची प्रक्रिया पूर्ण झाली आहे.

आता कारवाई

१ डिसेंबरपासून एचएसआरपी नसलेल्या वाहनांवर वायुवेग पथकांकडून कारवाई करण्यात येईल. एचएसआरपी नसलेल्या जुन्या वाहन मालकांच्या वाहनांची पुनर्नोंदणी, वाहनात बदल करणे, परवाना नूतनीकरण अशी सर्व कामे थांबवण्यात येतील.

शतप्रतिशतचे आव्हान

जुन्या वाहनांपैकी अंदाजे २० टक्के वाहने भंगार स्थितीत आहेत. अनेक ठिकाणी वाहने जप्त स्थितीत धूळखात आहेत. खासगी पद्धतीने भंगारात मोडीत काढलेल्या वाहनांची संख्या मोठी आहे. याची कोणतीही नोंद सरकारकडे होत नाही. यामुळे १०० टक्के जुन्या वाहनांना एचएसआरपी लावणे अत्यंत कठीण आहे, असे वरिष्ठ परिवहन अधिकाऱ्यांनी सांगितले.
Pune Crime : तुमचं नाव पहलगाम हल्ल्यात आलंय, पुण्यातील वृद्धाला फोन, 16 दिवसात वेगवान घडामोडी अन् अखेर 14460000 रुपयांचा…

अडचणी कोणत्या?

एचएसआरपी नंबरप्लेटसाठी नोंदणी करणाऱ्यांचा प्रतिसाद अजूनही आहे. त्यामुळे अपॉइंटमेंट घेतली त्या दिवशीच नंबरप्लेट तुमच्या वाहनावर लावली जाईल, याची शाश्वती नाही. वाहन धारक आपापल्या सोयीने अपॉइंटमेंट घेतात. त्या दिवशी दिलेल्या वेळेत केंद्रावर पोहोचतात, परंतु तिथे नंबरप्लेट प्राप्त झाली नसल्याचे सांगितले गेल्यावर त्यांचा हिरमोड होतो.
Rupesh More : वसंत मोरेंचा लेक पुणे महापालिकेच्या आखाड्यात? डबल मुहूर्त साधत तात्यांचे संकेत, मुलाचा पहिलीतला फोटो शेअर करत म्हणाले…
नंबरप्लेट अन्य शहरातून मागवल्या जात असल्याने पोहोचण्यास उशीर होत आहे. त्यामुळे ज्या दिवसाची अपॉइंटमेंट घेतली असेल त्यानंतर किमान दोन ते तीन दिवसांनी नंबरप्लेट बसवून मिळत असल्याचा अनुभव अनेक जणांना येत आहे. रविवारी सेंटर बंद असल्याने तो दिवस वगळता अन्य दिवसांची अपॉइंटमेंट घेणं भाग पडतं. अपॉइंटमेंट घेतलेल्या दिवशीही नंबरप्लेट वाहनावर बसू न शकल्यास मात्र वाहनधारकांना मनस्ताप भोगावा लागतो.