शणमुगा यांचा ठावठिकाणा समजून घेण्यासाठी माथेरान पोलिसांनी सोशल मीडियावर साठी मोहीम चालवली होती, त्यानंतर हॉटेल मालकाने माहिती दिल्यावर पोलिसांनी शोध सुरू केला होता. प्राध्यापक बालासुब्रमण्यन यांचा मृत्यू अपघातामुळे दरीत कोसळून झाला, की त्यांनी आत्महत्या केली, हे पोलिसांनाही स्पष्ट झालेले नाही. व्ह्यू पॉइंटवरील रेलिंग तुटलेले नसल्यामुळे अपघाताची शक्यता कमी आहे.

सहाय्यक पोलीस निरीक्षक अनिल सोनोने यांनी सांगितले की, प्राध्यापक बालासुब्रमण्यन यांचा मृतदेह दरीतून बाहेर काढण्यासाठी लोणावळ्याहून तज्ज्ञ गिर्यारोहकांची टीम बोलावण्यात आली होती. १७ बचावकर्त्यांच्या टीमने दोरीच्या साहाय्याने खाली उतरुन त्यांचा मृतदेह स्ट्रेचरमध्ये गुंडाळून वर आणला.
Matheran News : माथेरानमध्ये 1200 फूट खोल दरीत मोटिव्हेशनल स्पीकरची बॉडी सापडली, हॉटेलमधून बाहेर पडले अन्…
शनिवारी काही आदिवासी लोकांनी त्यांचा मृतदेह पाहिल्यानंतर पोलिसांना माहिती दिली होती. प्राध्यापक बालासुब्रमण्यन यांनी कंपनीला माथेरान भेटीबद्दल आगाऊ माहिती दिली नव्हती. ते कार्यक्रमाला उपस्थित न राहिल्याने कंपनीने त्यांची चौकशी सुरु केली होती.

रायगड जिल्ह्यातील माथेरान हे थंड हवेचे पर्यटन स्थळ असून अनेक जण वर्षाचे बाराही महिने इथे फिरायला येत असतात. पोलिसांनी सांगितले की, “अनेक जण दरीत डोकावून बघण्यासाठी रेलिंग ओलांडतात. शणमुगाही तसंच काही बघण्याचा प्रयत्न करत होते का, त्यांना कोणी पाहिले होते का, हे शोधण्याचा प्रयत्न सुरु आहे”
Parbhani Crime : मित्र-मैत्रीण गप्पा मारत होते, सहा जण आले, तरुणीला ओढून नेत तिघांकडून सामूहिक अत्याचार, महाराष्ट्र हादरला
शणमुगा यांना खोल दरीत पडल्यामुळे अनेक ठिकाणी गंभीर दुखापत झाली होती. ते रेलिंगच्या फटीतून खाली पडले की काय, हे तपासणे पोलिसांसाठी कठीण जात आहे. सुरुवातीला ते बेपत्ता असल्याची तक्रार नोंदवण्यात आली होती, पण आता या घटनेला अपघाती मृत्यू म्हणून नोंदवले जात आहे. या प्रकरणाचा पुढील तपास सुरू आहे.