मुंबई : ‘पंडित जवाहरलाल नेहरूंच्या कर्तृत्वाची, त्यांच्या देशाच्या इतिहासातील त्यागाची बरोबरी इतर कोणाशीही होऊ शकत नाही. त्यामुळे नेहरू आणि पंतप्रधान नरेंद्र मोदी यांची तुलना करणे पूर्णपणे अशक्य आहे. देशात मोदींसारखा नेता झाला नाही, असे सांगण्याचा प्रयत्न काही लोक सतत करत आहेत. पण नेहरू हे नेहरूच होते’, या शब्दांत राष्ट्रवादी काँग्रेसचे (शप) राष्ट्रीय अध्यक्ष शरद पवार यांनी नरेंद्र मोदी आणि त्यांच्या समर्थकांवर बुधवारी टीका केली.
राष्ट्रवादी काँग्रेस (शप) पक्षाचा २७वा वर्धापनदिन सोहळा बुधवारी नरीमन पॉईंट येथील यशवंतराव चव्हाण केंद्रात आयोजित करण्यात आला होता. यावेळी शरद पवार यांनी सत्ताधारी भाजप, अजित पवार यांच्या राष्ट्रवादी काँग्रेसवरही टीका केली. ‘राष्ट्रवादीच्या वर्धापनदिनाची जाहिरात वृत्तपत्रांत पहिल्या पानावर झळकली आहे. पहिल्या पानावरील जाहिरातींची किंमत किती असते, हे सर्वांना माहित आहे. म्हणूनच आपण कधी त्या रस्त्याने गेलो नाही. मात्र, आजच्या कार्यक्रमाला असलेली मोठी उपस्थिती पाहिली तर ही जाहिरात आपल्या सर्वांसाठी आहे, याचे आपण स्वागत केले पाहिजे’, या शब्दांत त्यांनी राष्ट्रवादीवर टीका केली.
Ritu Tawde: ना झुकणार, ना थांबणार! बॉम्बच्या धमकीनंतरही महापौर रितू तावडे ‘ऑन ड्युटी’; म्हणाल्या, ‘मुंबईच्या सुरक्षेसाठी कोणतीही किंमत मोजायला तयार’
‘देशात अनेक समस्या आहेत. बेरोजगारी, आदिवासी, महिला, अल्पसंख्याक या घटकांच्या समस्या वाढत आहेत. ज्यांच्या हातात सत्ता आहे त्यांना या प्रश्नांविषयी किती आस्था आहे, यावर भाष्य न केलेलेच बरे. काही लोक सातत्याने देशात नरेंद्र मोदी यांच्यासारखा नेता झालाच नाही, असे सांगण्याचा प्रयत्न करत आहेत.
पक्ष सोडल्यामुळे राष्ट्रवादी कमकुवत झालेली नसून निष्ठावंत कार्यकर्ता शरद पवार यांच्यासोबत असल्याची ग्वाही यावेळी प्रदेशाध्यक्ष शशिकांत शिंदे यांनी दिली. खासदार आणि अभिनेते अमोल कोल्हे यांनी ‘मी सावित्रीबाई ज्योतिराव फुले’ मालिका बंद पडत असल्याचे सांगितले. परंतु, ही गोष्ट बंद पडू देणार नाही, १४ जूननंतर वेगळ्या माध्यमात ती सुरूच राहील, याची ग्वाही दिली. त्यास प्रतिसाद देत आमदार रोहित पवार यांनी त्यांना ५० लाख रुपयांची तर जितेंद्र आव्हाड यांच्याकडून १० लाख रुपयांची मदत जाहीर केली.
Rupali Chakankar: ‘अशोक खरात प्रकरणात माझ्यावरचे आरोप वेदनादायक’; बदनामी करणाऱ्यांना रुपाली चाकणकरांच्या धडाधड नोटीसा, थेट दिल्ली कोर्टापर्यंत खेचलं
गांधी कुटुंबाचे बलिदान
‘पंतप्रधान होण्याआधी नेहरूंनी इंग्रजांना देशातून बाहेर काढण्याचे काम केले. महात्मा गांधींच्या नेतृत्वाखाली प्रदीर्घ संघर्ष केला. अनेक वर्षे तुरुंगवास सोसला, हा इतिहासाचा भाग कोणीही विसरू शकत नाही’, असेही पवार म्हणाले. नेहरुंनंतर इंदिरा गांधींनी देशासाठी अहोरात्र काम केले, पाकिस्तानला धडा शिकवला. इंदिरा आणि राजीव गांधी यांनी देशाच्या अखंडतेसाठी स्वतःच्या प्राणांचे सर्वोच्च बलिदान दिले आहे. या कुटुंबाचा त्याग कोणीही विसरू शकत नाही, याची आठवण पवार यांनी करून दिली.
लेखकाबद्दलकिशोरी तेलकर किशोरी तेलकर
किशोरी तेलकर महाराष्ट्र टाइम्स ऑनलाइनमध्ये कन्सल्टंट या पदावर कार्यरत आहेत. किशोरी या २०२२पासून मटा ऑनलाइन सोबत जोडलेल्या आहेत. राजकारण, हायपर लोकल स्टोरी, क्राईम बातम्या, महिलांविषयक समस्या, गाव खेड्यातल्या बातम्या करण्याचा त्यांचा अनुभव आहे.
पत्रकारितेतील अनुभव
किशोरी यांना वृत्तपत्र, टीव्ही आणि डिजिटल माध्यमांमधील ६ वर्षांचा अनुभव आहे. किशोरी यांनी सकाळ वृत्तपत्रातून पत्रकारितेला सुरुवात केली. सकाळ वृत्तपत्रात काम करतांना त्यांनी प्रिंट मीडियासोबतच सोशल मीडिया हॅंडलिंग, वेबसाईटचेही काम केलं आहे. सध्या चार वर्षांपासून त्या महाराष्ट्र टाइम्स ऑनलाईनमध्ये कार्यरत आहेत. लेखन कौशल्याच्या जोरावर सामाजिक समस्या, शाळा- कॉलेज विद्यार्थी समस्या, आरोग्य टिप्स, महिलांविषयक प्रश्न, फॅशन, लाइफस्टाइल या विविध विषयांवर त्यांनी बातम्या केल्या आहेत.
शैक्षणिक पात्रता
किशोरी तेलकर यांनी कै. बिंदू रामराव देशमुख कला व वाणिज्य महिला महाविद्यालय, नाशिकरोड येथून एम.कॉम पदवी संपादन केली. त्यानंतर गोखले एज्युकेशन सोसायटीचे एच.पी.टी आर्ट्स अँड आर.वाय.के सायन्स कॉलेजमधून कम्युनिकेशन अँड जर्नलिझम विषयात पदव्युत्तर शिक्षण घेतलं आहे. जर्नलिझमचे शिक्षण घेत असतानाच किशोरी यांनी देशदूत, दिव्यमराठी सारख्या वृत्तपत्रात इंटर्नशिप केलेली आहे. मराठी भाषेवर प्रभुत्व असून हिंदी, इंग्रजी भाषाही त्यांना अवगत आहेत.… आणखी वाचा