आरोपी हा पीडित मुलीच्या आईसोबत राहत असताना, त्याने मुलीला मोबाइलवर अश्लील व्हिडिओ दाखवून तिच्यासोबत गैरवर्तन केले. हा प्रकार मुलीच्या आईच्या लक्षात येताच तिने तातडीने कोपरखैरणे पोलीस ठाण्यात धाव घेतली.पीडित मुलीची आई मूकबधिर असल्याने पोलिसांनी तज्ज्ञांच्या मदतीने तिच्याशी संवाद साधून हा गुन्हा नोंदवला आहे.

Navi Mumbai: मैत्रिणीच्या आईने केलेला अपमान जिव्हारी; दहावीच्या विद्यार्थिनीने स्वत:ला संपवलं, चिठ्ठीत धक्कादायक खुलासा

पोलिसांनी दिलेल्या माहितीनुसार, आरोपीने आपल्याच मुलीला अश्लील व्हिडिओ दाखवून तिच्यासोबत चुकीच्या पद्धतीने वागला. पीडित मुलीच्या आईने धाडस दाखवत पोलिसांना माहिती दिली. आई मूकबधिर असल्याने संवाद साधणे थोडे कठीण होते, पण पोलिसांनी तज्ज्ञांची मदत घेऊन तिच्याकडून संपूर्ण माहिती घेतली. या माहितीच्या आधारे पोलिसांनी आरोपीविरोधात गंभीर गुन्हा दाखल केला आहे. आरोपीचा शोध घेण्यासाठी पोलीस सर्वतोपरी प्रयत्न करत आहेत. या घटनेमुळे परिसरात खळबळ उडाली आहे. पोक्सो कायदा (Protection of Children from Sexual Offences Act) हा लहान मुलांचे लैंगिक अत्याचारापासून संरक्षण करण्यासाठी बनवला गेला आहे.

या महिलेने असाही आरोप केला आहे की आरोपीने यापूर्वी तिच्यावर शारीरिक हल्ला केला होता आणि छळ केला होता. “आम्ही आरोपीवर लक्ष ठेवून आहोत आणि पुढील तपास सुरू आहे,” असे कोपरखैरणे पोलिस ठाण्यातील एका पोलिस अधिकाऱ्याने सांगितले.

दरम्यान, एका वेगळ्या घटनेचा व्हिडिओ सध्या सोशल मिडियावर व्हायरल होत आहे, ज्यात एक महिला रस्त्यावर एका पुरूषाला चप्पलने मारताना दिसत आहे. ही घटना नवी दिल्लीमध्ये घडली असून, सध्या खूप चर्चेत आहे. मिळालेल्या माहितीनुसार, या पुरूषाने महिलेच्या मुलीसोबत गैरवर्तन केले होते. त्यामुळे महिलेने त्याला मारहाण करण्यास सुरू केले. व्हिडिओमध्ये महिला त्या माणसाला वारांवार चप्पलेने मारताना दिसत असून, आजूबाजूचे लोक केवळ सर्व तमाशा पाहताना दिसून येत आहेत.