राज्यभरात दिवाळीचा मोठा उत्साह आहे. शिवाजी पार्कमध्ये मनसे दिपोत्सव सुरू झाला असून याचं उद्धव ठाकरे यांनी उद्घाटन केलं. संपूर्ण शिवाजी पार्कचा परिसर दिव्यांनी उजळून गेला आहे. दुसरीकडे हवामान खात्याने दिवाळीच्या काळात मुंबईत यलो अलर्ट दिला आहे. मागील दोन दिवसांपासून मुंबईत संध्याकाळच्या सुमारास मध्यम ते मुसळधार सरी कोसळत आहेत. अशात अचानक आलेल्या पावासाने व्यापाऱ्यांचं मोठं नुकसान झालं आहे.