या पावसाचा फटका अलिबाग, पेण, पनवेल, मुरुड, कर्जत आणि माणगाव परिसरात रस्त्याच्या कडेला उभारलेल्या स्टॉल्समध्ये पावसाचे पाणी घुसल्याने मोठ्या प्रमाणावर फटाका मालाचे नुकसान झाले. फटाक्यांच्या बॉक्सवर पाणी गेल्याने त्यांचा दर्जा खराब झाला, तर रंगीबेरंगी कंदील ओले होऊन फाटले. मातीच्या पणत्या तयार करून विक्रीसाठी आणलेल्या कारागीरांचे तर सर्वाधिक नुकसान झाले आहे. अनेक पणत्या पाण्यात विरघळल्या किंवा तुटल्या.
कर्जतमध्ये भावकीच उठली जीवावर, २३ वर्षीय तरुणाला घरात घुसून मारहाण, जखमी तरुणाचा उपचारादरम्यान मृत्यू
यावेळी अनेक व्यापाऱ्यांनी सांगितले की, “सायंकाळी पाऊस सुरू होताच आम्ही माल झाकण्यासाठी प्लास्टिक शीट्स टाकल्या, पण वाऱ्याच्या झोकामुळे काहीच उपयोग झाला नाही.”

दरम्यान, हवामान खात्याच्या अंदाजानुसार पुढील ४८ तासांपर्यंत जोरदार पावसाचा इशारा कायम आहे. यामुळे दिवाळीच्या खरेदीवर आणि बाजारपेठेतील उलाढालीवर थंडावा येण्याची शक्यता आहे. सध्या व्यावसायिक आणि कारागीर सरकारकडून नुकसान भरपाई आणि संरक्षणात्मक उपाययोजनांचीही मागणी करत आहेत.
एकंदरीत, या वर्षीचा पाऊस “दिवाळीचा पाहुणा” ठरला असून, उत्साहावर पाणी फेरले आहे.

दरम्यान, राज्यात इतरही काही ठिकाणी पावसाने हजेरी लावली आहे. रात्री आठच्या सुमारास मुंबईतही हलक्या सरी बरसल्या. ठाणे, कल्याण आणि बदलापूरमध्येही पावसाने हजेरी लावल्याची पाहायला मिळाले आहे.

राज्यात सप्टेंबर महिन्याच झालेल्या पावसानेही शेतकऱ्यांना अडचणीत आणलं आहे. विशेषतः मराठवाड्यातील शेतकऱ्यांना या पावसाचा मोठा फटका बसला होता. शेतकऱ्यांच्या शेतीपिकांसह पशुधनाचंही नुकसान झालं होतं. त्यांच्या हाता तोंडाशी आलेला घास अतिवृष्टीने हिरावून घेतला होता. त्यामुळे, फटाका विक्रेत्यांनाही यावेळी पावसाने अडचणीत आणल्याचं चित्र निर्माण झालं आहे. त्यामुळे दिवाळीचे पुढचे काही दिवस या व्यावसायिकांसाठी अत्यंत महत्वाचे ठरणार आहेत.