ज्यावेळेस मध्यरात्री केंद्रीय राज्यमंत्री रक्षा खडसे यांच्या पेट्रोल पंपावर दरोडा टाकला त्याचवेळी याच दरोडेखोरांनी पाच ठिकाणी वेगवेगळ्या पद्धतीने पेट्रोल पंपावरती दरोडे टाकले होते. मात्र, या एका पेट्रोल पंपावर केंद्रीय राज्यमंत्री रक्षा खडसे यांचा असल्यानं पोलिसांनी तपासाची गती वाढवसी, यात बोदवड चौफुली (मुक्ताईनगर) येथील रक्षा टोफ्युअल (भारत पेट्रोलियम ), कर्कीं फाटा (मुक्ताईनगर) येथील मनुभाई आशीर्वाद पेट्रोल पंप आणि वरणगाव शिवारातील तळवेल फाटा (भुसावळ) येथील सय्यद पेट्रोल पंप या तीन ठिकाणी पाच ते सहा अनोळखी व्यक्तींनी मोटार सायकलवर येऊन बंदुकीचा धाक दाखवत दरोडा टाकला होता. यावेळी रोख रक्कम, मोबाईल फोन आणि सीसीटीव्ही डीव्हीआर असा एकूण 1 लाख 33 हजार 500 रुपयांचा मुद्देमाल जबरदस्तीने चोरून नेल्याप्रकरणी मुक्ताईनगर पोलीस ठाण्यात गुन्हा दाखल करण्यात आला होता.

शरद पवारांच्या निष्ठावंत जिल्हाध्यक्षाचा राजीनामा, रोहित पवारांच्या मतदारसंघात चाललंय काय?

विरोधी पक्षाचे आमदार एकनाथराव खडसे यांनी रक्षा खडसे यांच्या पेट्रोल पंपावर भेट देऊन सरकारविरुद्ध खंत व्यक्त केली होती. जर मंत्र्यांचेच मालमत्ता सुरक्षित नसेल तर सामान्य नागरिकांचं काय? असा सवाल खडसे यांनी उपस्थित केला होता. यावेळी त्यांनी पोलिसांच्या कार्यक्षमतेवर प्रश्नचिन्ह निर्माण केला होता. पोलिस हफ्ते खोरीमध्ये मग्न असल्यानं अशा घटना जिल्ह्यामध्ये वाढत आहे आणि जिल्ह्यातील कायदा सुव्यवस्था ही बिघडली असल्याचं खडसे यांनी सांगितलं होतं.

राहुल गायकवाड यांच्या नेतृत्वाखालील 5 तपास पथकांनी अहोरात्र 4 दिवस तांत्रिक माहितीच्या आधारे आरोपींचा मुक्ताईनगर ते नाशिक आणि अकोलापर्यंत पाठलाग केला. पथकाने 4 आरोपींना नाशिक येथून, तर 1 आरोपी आणि 1 विधीसंघर्षित बालकाला अकोला येथून ताब्यात घेतलं. यात पोलिसांनी सचिन अरविंद भालेराव (वय 35, रा.भुसावळ ह.मु. खकनार, जि. बच्हाणपूर-मध्य प्रदेश), पंकज मोहन गायकवाड (वय 23, रा. भुसावळ), हर्षल अनिल बावस्कर (वय 23, रा. अकोला), देवेंद्रअनिल बावस्कर (वय 23, रा. अकोला) आणि प्रदुम्नदिनेश विरघट (वय 19, रा. अकोला) या पाच आरोपीसह एका विधीसंघर्षित बालकाला ताब्यात घेतलं आहे. या सर्व आरोपींना पुढील तपासकामी मुक्ताईनगर पोलिसांच्या ताब्यात देण्यात आलं आहे.

राज ठाकरेंकडून पवारांची नक्कल, अजित पवार म्हणाले, ‘माझ्या अंगाला…’

या घटनेचं गांभीर्य लक्षात घेऊन पोलीस अधीक्षक डॉ. महेश्वर रेड्डी, अप्पर पोलीस अधीक्षक अशोक नखाते आणि उपविभागीय पोलीस अधिकारी संदीप गावीत यांनी तात्काळ घटनास्थळी भेट दिली. त्यांनी स्थानिक गुन्हे शाखेचे वरिष्ठ पोलीस निरीक्षक राहुल गायकवाड यांनी गुन्ह्याचा छडा लावण्याचं आदेश दिले आहेत.