हा सगळा धक्कादायक प्रकार मंगळवारी (14 ऑक्टोबर) दुपारी उघडकीस आला. श्रीकांत दत्तात्रय मराठे (वय 45, रा. देवरूख. ता. संगमेश्वर) असे या मुलाचे नाव आहे. या मुलाने रात्री 1:30 च्या सुमारास देवरूख येथून राहत्या घरातून अपहरण केले. देवरूख पोलिसांनी या दिवट्या मुलाला रात्री उशिरा अटक केली असून त्याला त्याला आज कोर्टात हजर केले जाणार आहे.

खेडमध्ये गुरुकुलात अध्यात्मिक शिक्षण घेणाऱ्या विद्यार्थिनीवर वारंवार अत्याचार, भगवान कोकरे महाराजवर गुन्हा दाखल
संशयित श्रीकांत मराठे याचे आई-वडील निवृत्त शिक्षक आहेत तर आई निवृत्त शिक्षिका आहे. आई वडील व मुलांमध्ये मिळणाऱ्या पेन्शनवरून प्रॉपर्टी वरून आपापसात वाद सुरू असल्याची प्राथमिक माहिती पोलीस तपासात समोर आली आहे. चांगल्या नोकरी धंद्याला नसल्यामुळे, श्रीकांत सारखा त्याच्या आई-वडिलांच्या मागे पैशांसाठी लागायचा.

एक लाख रुपयांची खंडणी

देवरुख पोलिसांकडून मिळालेल्या माहितीनुसार संशयित आरोपी श्रीकांत याने आपल्या जन्मदात्या वडिलांना पैशासाठी मानेवर सुरा ठेवून पळवून नेले आणि नंतर व्हॉटसअॅपवर हात-तोंड बांधलेला फोटो घरच्या मोबाईलवर पाठवून एक लाख रुपयांची खंडणी मागितली. देवरूख पोलीसांनी या मुलाला ताब्यात घेऊन त्याच्यावर गुन्हा दाखल करून त्याला अटक केली आहे. सुनिता दत्तात्रय मराठे (वय 74) यांनी दाखल केली आहे. सेवानिवृत्त शिक्षक दत्तात्रय मराठे (वय 80) यांना पेन्शन मिळते. पैशाच्या मागणीवरून वारंवार वाद घालणारा मुलगा श्रीकांत याने सोमवारी रात्री 11 वाजता घरातच पैशासाठी आईकडे तगादा लावला. तीने नकार देताच आई आणि नातीसमोरच मुलाने वडिलांच्या मानेवर सुरा ठेवून धाक दाखवत आता एक लाख रुपये द्या नाहीतर यांना ठार मारतो अशी धमकी दिली. वडिलांना जबरदस्तीने कपडे घालून दुचाकीवर बसवून पळून गेला. पहाटेपर्यंत काहीच संपर्क न झाल्याने कुटुंब चिंतेत असतानाच सकाळी नात वेदांगीच्या मोबाईलवर अपहरण झालेल्या वडिलांच्या मोबाईलवरून व्हॉटसअप कॉल आला. त्यात वडिलांचा हात-पाय आणि तोंड प्लॅस्टिक टेपने घट्ट बांधलेला फोटो दिसला.

श्रीकांतने त्या फोटोसोबत एक लाख रुपये खंडणी मागितली आणि नकार दिल्यास “मी आता मागे हटणार नाही” अशी धमकी दिली. या घटनेनंतर आई सुनिता मराठे यांनी थेट देवरूख पोलीस ठाणे गाठले आणि मुलाच्या विरोधात तक्रार दाखल केली. श्रीकांत हा वडीलांना घेवून पहिल्यांदा रत्नागिरी येथे गेला. त्यानंतर तो मंगळवारी सकाळी बसमध्ये बसून चिपळूण येथे गेला चिपळूण येथून त्याला अटक करण्यात आली आहे. सायंकाळी त्याला देवरूख पोलीस ठाण्यात आणण्यात आल्यावर त्याला अटक करण्यात आली. याबाबत अधिक तपास पोलीस निरीक्षक उदय झावरे करीत आहेत.