आयकर विभागाकडूनची आजची ही धडक कारवाई पुण्यातील बडे ठेकेदार विजय धवांगळे, त्यांचे भाऊ अजय धवांगळे आणि विवेक बाळासाहेब गव्हाणे यांच्यावर ठेकेदारांवर करण्यात आली आहे. विवेक गव्हाणे यांच्या पुण्यातील सॅलीसबरी पार्क येथील घरावर तसेच मार्केट यार्डमधील त्यांच्या कार्यालयावर आयकर विभागाची छापेमारी सुरू आहे. तसेच त्याचबरोबर धवांगळे बंधूंच्या नागपूर आणि मुंबई येथील घरे व कार्यालयांवरही आयकर विभागाने छापे टाकले आहेत.
अखेर वैभव खेडेकरांच्या हाती कमळ, रखडलेला पक्षप्रवेश संपन्न; मनसेतून झाली होती हकालपट्टीधवांगळे बंधूंच्या एस टू इन्फोटेक, वंश इन्फोटेक, लक्सर रिअॅलिटी, वन ग्लोबल सर्व्हिसेस अशा शेकडो कंपन्या राज्यभर कार्यरत असल्याचे समोर आले आहे. हे ठेकेदार राज्य सरकारमधील विविध विभागांमध्ये मोठ्या प्रमाणात कंत्राटे आणि पुरवठा करतात.

या छापेमारीमुळे ठेकेदार व शासकीय वर्तुळात मोठी खळबळ उडाली आहे.

दरम्यान, याआधीही पुण्यात आयकर विभागाची कारवाई पाहायला मिळाली होती. याआधी विवेक गव्हाणे आणि त्यांच्या आशिष ट्रेडर्स या कंपनीवर अंमलबजावणी संचालनालयाने (ED) देखील कारवाई केली होती.

सध्या विवेक गव्हाणे यांचे छत्रपती शिवाजी महाराजांच्या पुतळ्याशेजारील गणेश हाऊस, मार्केट यार्ड येथील कार्यालय तसेच इतर ठिकाणी आयकर विभागाची कारवाई सुरू असून, मोठ्या आर्थिक व्यवहारांची चौकशी करण्यात येत आहे.

दरम्यान, ही कारवाई का करण्यात आली आहे, व कारवाईमध्ये आतापर्यंत आयकर विभागाच्या हाती काही लागलं आहे की नाही याबद्दलची कोणतीही माहिती समोर आलेली नाही आहे.

दारूच्या नशेत विहीरीत उडी मारून 40 वर्षीय व्यक्तीने केली आत्महत्या…

शहापूर तालुक्याच्या टेंभुर्लि येथे दारूच्या नशेत एका व्यक्तीने विहीरीत उडी मारून आत्महत्या केली आहे. दरम्यान गावकऱ्यांनी कठोर भूमिका घेत जो पर्यंत दारू विक्रीत्यांवर कारवाई होत नाही, तो पर्यंत विहीरीतून मृतदेह काढून देणार नाही, अशी भूमिका गावकऱ्यांनी घेतल्याने किन्हवली पोलिसांच्या नाकीनऊ आले होते. शेवटी दारू विक्रीत्यांवर कारवाईला सुरुवात केली आणि नंतर मृतदेह विहिरी बाहेर काढला.

शहापूर तालुक्यातील ग्रुप ग्रामपंचायत अंतर्गत येणाऱ्या टेंभुर्लि गावातील कातकरी वाडीतील देवराम रामू रन यांनी दारू विक्रीत्या कडून दारू पिऊन दारूच्या नशेत गावातील विहिरीत उडी मारून आपली जीवन यात्रा संपवली याची माहिती किन्हवली पोलिसांना मिळताच घटनास्थळी धाव घेत विहीरीतून मृतदेह काढण्याचा प्रयत्न करत असताना गावकऱ्यांनी मृतदेह काढण्यास तीव्र विरोध केला.जोपर्यंत दारू विक्रीत्यांवर कारवाई करत नाही तोपर्यंत मृतदेह विहिरीतून काढून दिले जाणार नाही असी भूमिका घेतल्याने पोलिसांच्या नाकीनऊ आले होते. शेवटी दारू विक्रीत्यांवर कारवाईला सुरुवात केल्यानंतर विहीरीतून मृतदेह बाहेर काढून शवविच्छेदनासाठी शहापूर उपजिल्हा रूग्णालयात पाठविण्यात आहे.