सशस्त्र चोरट्यांची दहशत

शनिवारी मध्यरात्री अडीचच्या सुमारास सशस्त्र टोळीने अवंती नगर येथील दोन घरांवर दरोडा टाकला. चोरट्यांनी दरवाजे तोडून घरात प्रवेश केला आणि घरातील नागरिकांना वेठीस धरून लुटमार केली. प्राथमिक माहितीनुसार, लहान मुलाच्या गळ्यावर चाकू लावून धमकावत सोनं व रोख रक्कम लंपास केल्याची माहिती पीडितांकडून मिळाली आहे.Kolhapur Crime : अबब! चहा दुकानात बनावट नोटा छपाई, कोल्हापुरातील पोलीस हवालदारच रॅकेटचा सूत्रधार, एक कोटींच्या खोट्या नोटा जप्त

‘गळ्यावर चाकू लावून धमकावलं’

या घटनेबद्दल पीडित कुटुंबातील पूजा अन्नदाते आणि स्नेहा राजपूत यांनी सांगितले, “शनिवारी पहाटे अडीच ते तीनच्या दरम्यान आम्ही गाढ झोपेत होतो. अचानक काही लोक घरात घुसले आणि गळ्याला चाकू लावून धमकावलं. पतीला मारहाण करत घरातील सोनं आणि रोख रक्कम लुटली. त्यानंतर ते चोरटे खालील घरात गेले आणि तिथेही तसाच प्रकार केला.”

चोरट्यांनी घेतला अंधाराचा फायदा

अज्ञात चोरट्यांनी अभिषेक नगरमधील अवंती नगर येथील दोन घरांत जवळपास अर्धा तास दहशत माजवली. या कालावधीत त्यांनी सोन्याचे दागिने आणि रोकड असा मोठा ऐवज लंपास केला. पीडित कुटुंबांनी तत्काळ सोलापूर पोलिस नियंत्रण कक्षाशी संपर्क साधला. नाईट राऊंडवर असलेले पोलिस घटनास्थळी तत्काळ दाखल झाले. पोलिसांच्या वेळेवर हजेरीमुळे चोरट्यांचा इतर घरांवर दरोडा टाकण्याचा प्रयत्न फसला. तथापि, अंधाराचा फायदा घेत चोरटे पळून जाण्यात यशस्वी झाले.

घटनेनंतर गुन्हे शाखेच्या सहाय्यक पोलीस आयुक्त अश्विनी पाटील या फौजफाटा व डॉग स्क्वॉडसह घटनास्थळी दाखल झाल्या. त्यांनी परिसराचा पंचनामा करून तपास सुरू केला आहे. सोलापूर पोलिसांनी वेगवेगळी पथके तयार करून या सशस्त्र टोळीचा शोध घेण्यास सुरुवात केली आहे.