शिवसेना शिंदे गटाचे नेते आणि माजी मंत्री तानाजी सावंत हे स्वतः आता पुण्याच्या राजकारणात एंट्री करत असून आपल्या मुलाने महापालिका निवडणूक लढवावी अशी सुप्त इच्छा त्यांनी बोलून दाखवली आहे. त्यामुळे आता येत्या निवडणुकीत धाराशिवचे सावंत पुण्याच्या राजकारणात दिसणार आहेत. आज पुण्यात एका आरोग्य शिबिराच्या कार्यक्रमात तानाजी सावंत यांचे पुत्र गिरीराज सावंत यांनी पुणे महापालिका निवडणुकीच्या रिंगणात उतरण्याचे संकेत दिले आहेत. यासंदर्भात तानाजी सावंत यांनी सुद्धा प्रतिक्रिया देत आपली सुप्त इच्छा बोलून दाखवली आहे.
Pune News : पुणेकरांचा प्रवास सुखकर होणार, हडपसर – खडकीमधून विशेष सुविधा; दिवाळीसाठी…
या कार्यक्रमानंतर माध्यमांनी तानाजी सावंत यांना आपला मुलगा महापालिका निवडणूक लढवणार का यासंदर्भात प्रश्न विचारला यावर सावंत म्हणाले, ‘हे आता काळचं ठरवेल, हे आम्ही नाही जनतेने ठरवायचं आहे. पण समाजाचं आपण काहीतरी देणं लागतोय हा वारसा जपण्याचा आम्ही प्रयत्न करत आहोत. तर धाराशिवच्या राजकारणात वजन आहे की नाही त्याच रिफलेक्शन इथे येईल की नाही हे कोणता नेता ठरवत नसतो. हे जनता ठरव असते’.
Pune Crime : ‘मोदी आलेले तेव्हा आम्ही तिघं बसलेलो, घायवळचा विषय निघाल्यावर फडणवीसांनी…’; अजित पवार यांचा मोठा खुलासा
तर आपला मुलगा पुणे महापालिका सभागृहात दिसावा का एक पिता म्हणून काय अपेक्षा आहे असं सावंत यांना विचारलं असता ते म्हणाले ‘एक पिता म्हणून अपेक्षा आहे अन् अपेक्षित होईल असं वाटतं. माझ्या जीवनात नगरसेवक वगैरे असं काही आलं नाही. परमेश्वराच्या कृपेने डायरेक्ट आमदार अन् आमदार टू डायरेक्ट मंत्री झालो माझ्या 8 वर्षाच्या राजकीय कार्यकाळात मी चार वर्ष मंत्री होतो. तेही डायरेक्ट कॅबिनेट मंत्री झालो आणि त्या पद्धतीचे योगदान मी महाराष्ट्राला दिलेले आहे. त्यामुळे आता धाराशिवचे सावंत हे पुण्याच्या राजकारणात दिसणार असा मानस त्यांनी बनवला आहे. मात्र याला शिवसेनेतील स्थानिक नेत्यांचा ग्रीन सिग्नल मिळणार का? आणि स्थानिक नेते मंत्र्याच्या मुलाला स्वीकारणार का यावरून नवा संघर्ष देखील निर्माण होण्याची शक्यता नाकारता येत नाही.