मिळालेल्या माहितीनुसार, प्यासा हॉटेलसमोर मित्रावर तरुणावर चाकूने वार करून त्याची हत्या केली. या हल्ल्यात बादल शेख या तरुणाचा मृत्यू झाला असून मृत आणि आरोपी हे दोघेही रेकॉर्डवरील गुन्हेगार असल्याची माहिती पोलिसांकडून देण्यात आली आहे. बादल शेख याचा खून त्याच्याच 3 मित्रांनी केला असल्याचंही पोलीस तपासात समोर आलं आहे. खून केल्यानंतर आरोपी फरार झाला असून वाघोली पोलिसांकडून त्यांचा शोध सुरू आहे.

कॉलेज तरुणीला बाईकने रूमवर नेलं, नंतर आवाज ऐकून शेजारी हादरले; अहिल्यानगरमधील घटनेनं खळबळ

वाघोली भागात असलेल्या उबाळे नगर परिसरात हॉटेल प्यासा समोर पहाटे साडेतीन वाजताच्या सुमारास ही घटना घडल्याचे समजते. मृत तरुणाबरोबरच आरोपीदेखील रेकॉर्डवरील गुन्हेगार असल्याची माहिती समोर आली आहे. शनिवारी रात्री उशिरा खराडी परिसरात या मित्रांमध्ये किरकोळ कारणातून वाद झाला होता. या वादाचे रूपांतर पुढे जोरदार भांडणात झाले, त्यानंतर त्यांनी एकमेकांना शिवागाळ करण्यास सुरुवात केली. या वादावादीत तिन्ही आरोपींनी बादल शेख याच्यावर वार करून त्याच्या डोक्यात दगड घातला.

या मारहाणीत बादल शेख हा गंभीर जखमी झाल्यामुळे त्याला रुग्णालयात दाखल करण्यात आलं होतं. मात्र, तिथे डॉक्टरांनी त्याला मृत घोषित केलं. याप्रकरणी आमची चौकशी सुरू असून आरोपी लवकरच ताब्यात घेऊ, अशी माहिती पोलिसांनी दिली आहे.

दरम्यान, पुणे शहरासह जिल्ह्यात हत्येच्या घटनांमुळे प्रचंड वाढ झाल्याने पोलिसांच्या कार्यक्षमतेवरही प्रश्नचिन्ह उपस्थित केलं जाऊ लागलं आहे. तरुणांमध्ये किरकोळ कारणातून होणाऱ्या हत्येच्या घटना, तसंच टोळीयुद्धातून होणारे खून या सगळ्या घटनांमुळे शहरातील कायदा-सुव्यवस्थेबाबत चिंता व्यक्त केली जात आहे.