डॉ. हेमलता पाटील यांनी दीड महिन्यापूर्वीच राष्ट्रवादी काँग्रेस पक्षात प्रवेश केला आहे. यापूर्वी काँग्रेसच्या प्रदेश प्रवक्त्या राहिलेल्या डॉ. पाटील यांना गेल्या विधानसभा निवडणुकीत उमेदवारी नाकारली गेल्याने त्या काँग्रेस पक्षावर नाराज झाल्या होत्या.

नाशिक मध्य विधानसभा मतदारसंघातून उमेदवारी न मिळाल्याने त्यांनी जाहीरपणे नाराजी व्यक्त केली. माध्यमांशी संवाद साधताना त्यांची नाराजी अश्रूवाटे बाहेर पडली होती. नाना पटोले त्यावेळी महाराष्ट्र काँग्रेसचे प्रदेशाध्यक्षपद भूषवत असल्याने पाटलांचा रोख त्यांच्याकडेच होता.
Political News : भाजपने गेम फिरवला, जुना साथीदार पुन्हा सोबतीला; विनोद तावडेंची भेट, निवडणुकीत उलटफेर थेट!
विधानसभा निवडणुकीनंतरही काँग्रेसने नाराजीची दखल न घेतल्याने त्यांनी ११ फेब्रवारी २०२५ रोजी काँग्रेसच्या प्रदेश सरचिटणीस पदासह प्रवक्तेपदाचा राजीनामा दिला. त्यानंतर त्यांनी उपमुख्यमंत्री एकनाथ शिंदे यांच्या उपस्थितीत थेट राजधानी दिल्लीतच शिवसेना शिंदे गटात प्रवेश केला होता. परंतु, शिंदे गटाने दिलेली आश्वासने न पाळल्यानं पाटील तिथेही खट्टू झाल्या.

शिवसेना पक्षातील अंतर्गत गटबाजीवर आसूड ओढत हेमलता पाटील यांनी शिंदे गटालाही अल्पावधीतच रामराम ठोकला होता. त्यानंतर ऑगस्ट महिन्यात त्यांनी अजित पवार यांच्या नेतृत्वातील राष्ट्रवादी काँग्रेस पक्षाचे ‘घड्याळ’ हाती बांधलं.

आगामी नाशिक महापालिका निवडणुकीच्या पार्श्वभूमीवर हेमलता पाटील यांनी राष्ट्रवादी काँग्रेस अजित पवार गटात प्रवेश करण्याचा निर्णय घेतल्याचे दिसते. महापालिका निवडणुकीत पाटलांच्या प्रवेशाने राष्ट्रवादीला नाशिकमध्ये बळ मिळण्याचे संकेत मिळत आहेत.
Political News : जोशी साहेब स्वागत आहे! भाजपला मोठा धक्का, माजी मंत्र्याने साथ सोडली, काँग्रेसचा ‘हात’ धरला
प्रसार माध्यमांमध्ये पक्षाची अधिकृत भूमिका आणि विचार मांडण्यासाठी राष्ट्रवादी काँग्रेस पक्षाच्या प्रदेश प्रवक्तेपदी नियुक्ती करण्यात आल्याचं प्रदेशाध्यक्ष सुनिल तटकरे यांनी नियुक्तिपत्रात नमूद केलं आहे. त्यामुळे महापालिका निवडणुकीत त्या पक्षाचा आवाज बुलंदपणे मांडताना दिसण्याची अपेक्षा आहे.