ठाणे शहराची भविष्यातील लाईफलाईन असलेल्या मेट्रो मार्गिकेची मोठ्या गाजावाज्यात 22 सप्टेंबर 2025 रोजी ट्रायल रन घेण्यात आली होती. मात्र, वर्षभरानंतरही मेट्रो सुरू झालेली नाही. वर्षभरापूर्वी मुख्यमंत्री-उपमुख्यमंत्री यांनी केलेला ट्रायल रनचा प्रवास नियमित सुरू व्हावा, यासाठी आमदार जितेंद्र आव्हाड यांच्या मार्गदर्शनानुसार राष्ट्रवादी काँग्रेस-शरदचंद्र पवार पक्षाचे जिल्हाध्यक्ष मनोज प्रधान यांच्या नेतृत्वाखाली, कार्याध्यक्ष प्रकाश पाटील आणि गटनेते अभिजीत पवार यांच्या उपस्थितीत कार्यकर्त्यांनी मानपाडा पोलीस स्टेशनसमोर चक्क मेट्रो मार्गाला पुष्प अर्पण करून तसेच श्रीफळ वाढवून अनोखे आंदोलन केले.

Pandharpur News : 10 वर्षांचं प्रेम, तरीही वृद्ध महिलेने प्रियकराला का संपवलं? पंढरपूरच्या प्रकरणात मोठा खुलासा
मंगळवारी चितळसर- मानपाडा पोलीस ठाण्यासमोरील मेट्रो मार्गाच्या ठिकाणी राष्ट्रवादी काँग्रेस-शरदचंद्र पवार पक्षाचे कार्यकर्ते मनोज प्रधान यांच्या नेतृत्वाखाली तसेच गटनेते अभिजीत पवार यांच्या उपस्थितीत एकवटले. या कार्यकर्त्यांनी प्रस्तावित स्टेशनमध्ये जाऊन रेल्वे मार्गास तसेच स्टेशनच्या फलकास हार घातले; रेल्वे रूळांना नारळ फोडून राज्यकर्त्यांना सुबुद्धी मिळो, अशी प्रार्थना केली.

जिल्हाध्यक्ष मनोज प्रधान काय म्हणाले?

याबाबत मनोज प्रधान म्हणाले , “एक वर्षापूर्वी म्हणजे आजच्याच दिवशी एक वर्षापूर्वी २२ सप्टेंबरला मुख्यमंत्री आणि उपमुख्यमंत्री हे मोठ्या थाटात आले मेट्रोच्या रॅकमध्ये बसले. त्यांचे कार्यकर्ते त्या मेट्रोच्या रॅकमध्ये बसले आणि दोन स्टेशनची मेट्रो धावली; त्याला आज एक वर्ष पूर्ण झाले. ​त्यावेळेस ते सांगत होते की, ही टेस्ट आहे. मग टेस्ट असताना का तुम्ही हारतुरे लावून एका उद्घाटनाच्या पद्धतीने हे उद्घाटन का केले? हा प्रश्न आमच्या मनात आहे.”

“तुम्ही फक्त आणि फक्त ठाणे महानगरपालिकेची निवडणूक डोळ्यांसमोर ठेवून हा कार्यक्रम घेतला होता. आज पूर्ण एक वर्ष पूर्ण झाले आहे. आज असे दिसतेय की, पुढच्या एक वर्षामध्ये पण ही मेट्रो चालू होणार नाही. आज त्यांचं म्हणणे आहे की दोन-तीन महिन्यानंतर कॅडबरीपर्यंत आपण हा मेट्रो लाईन चालू करू. पण लवकरात लवकर वडाळ्यापर्यंत ही मेट्रो धावली पाहिजे म्हणून मुद्दामून आम्ही आज हा अनोखे आंदोलन या ठिकाणी केले आहे”, असं मनोज प्रधान यांनी स्पष्ट केलं.

‘रिंग रेल्वे आधी ही मेट्रो चालू करा’

“जर तुम्हाला खरोखरच ठाणे स्टेशनचे ट्रॅफिक कमी करायचे असेल तर लोकांना घोडबंदरकरांना सुख सुविधा द्यायच्या असतील तर ही मेट्रो वडाळ्यापर्यंतच नाही तर ती सीएसटी पर्यंत चालवा. त्याच अनुषंगाने आपण सांगतो की एलिव्हेटेड मेट्रो जर आपण 10 वर्षामध्ये चालू करू शकत नाही. तर रिंग रेल्वेचे काय हालत होणार आहे तुम्ही समजू शकता. 12,200 कोटी रुपये घेऊन जी रिंग रेल्वे तुम्ही चालू करायला जाताय; आधी मेट्रो लाईन चार आणि पाच चालू करा आणि त्याच्यानंतर गरज पडली तर मग रिंग रेल्वेचं काम सुरू करा”, असं मनोज प्रधान म्हणाले.

Pune News : डीजे-डॉल्बीचा सर्रास दणदणाट, पोलीस ॲक्शन मोडवर, पुण्यात कठोर कारवाई​दरम्यान , “कॅडबरी ते कासारवडवली या दरम्यान नववर्षात मेट्रो सर्वसामान्यांसाठी खुली करण्यात येईल, असे सांगण्यात आले होते. मात्र, मेट्रो तर सुरू होण्याची चिन्हे दिसत नाहीतच; उलटपक्षी मेट्रोच्या कामातही दर्जा आणि नियोजन नसल्याचे दिसत आहे. ठेकेदार आणि सरकारचे साटंलोटं असल्याने मेट्रोचे काम रखडून ठाणेकरांना वाहतूक कोंडीत अडकावे लागत आहे, याविरोधात राष्ट्रवादी काँग्रेस-शरदचंद्र पवार पक्ष मोठे आंदोलन उभारणार” असे प्रधान यांनी सांगितले.

Mumbai High Court : सर्वात मोठी बातमी! सार्वजनिक ठिकाणी फटाके वाजवण्यास बंदी, मुंबई हायकोर्टाचे निर्देशया आंदोलनात नगरसेवक यासीन कुरेशी, राजेश कदम, विरू वाघमारे, कैलास हावळे, राजेश साटम, एकनाथ जाधव, धर्मेद्र अस्थाना, उमेश अग्रवाल, गजानन चौधरी, सचिन पंधरे, अक्षय भोसले, विश्वास चव्हाण, ज्ञानेश्वर राजपंके, आशिष खाडे, विष्णु माने, दिगंबर गरुड, दिपक पिंपळे, मल्लिका पिल्लई, हिनल जयवंत,विशांत गायकवाड, आशिष खाडे, आदी सहभागी झाले होते.