कारागृहात शिक्षा भोगत असलेल्या कैद्यांना बिर्याणी का दिल्या जात असल्याचे आरोप अनेकदा करण्यात आले असले तरी पोलिसांसह कारागृह – प्रशासनाकडून कायमच हे आरोप फेटाळण्यात आले आहेत. यामुळे कैद्यांना कारागृहात बिर्याणी मिळते, याबाबतचे कोणतेही पुरावे अद्याप सिद्ध करता जाले नव्हते. बुधवारी कल्याण न्यायालयात सुनावणीसाठी आणलेल्या कैद्यांना पुन्हा कारागृहात नेण्याचे आदेश दिल्यानंतर एका कैद्याची सुनावणी सुरू असल्याने इतर कैद्यांना पोलिसांनी पोलिस व्हॅनमध्ये बसवून ठेवले होते.
प्रभारी मुख्यध्यापकाचा पहिलीच्या चिमुकलीवर अत्याचार, डोंबिवलीत संतापजनक प्रकार
जवळपास ४५ मिनिटे कैद्यांना प्रतीक्षा करावी लागल्याने ड्युटीवरील पोलिस कर्मचाऱ्याला कैद्यांनी जाब विचारत शिवीगाळ करत गोंधळ घातला. यामुळे इतर पोलिस कर्मचाऱ्यांनी या कैद्यांना दमटावत शांत करण्याचा प्रयत्न करताच या कैद्यांनी थेट पोलिसांच्या कॉलरला हात घालत त्यांना शिवीगाळ व मारहाण केली. एवढ्यावरच हे कैदी थांबले नाहीत तर त्यांनी त्यांच्यासाठी शेवटच्या सीटवर ठेवलेले बिर्याणीचे कंटेनर पोलिसांवर फेकून मारल्याचे पोलिस कर्मचाऱ्यांनी तक्रारीत नमूद केल्यानंतर त्यांच्याच अडचणींत वाढ झाली आहे.
Dombivli Crime : गर्लफ्रेंडसोबत वाद, तरुणाने राहत्या इमारतीच्या 11व्या मजल्यावरुन उडी टाकली, थरारक घटना मोबाईलमध्ये कैद
वास्तविक कैद्यांना कारागृहात कोणते जेवण दिले जावे, कधी दिले जावे, त्याचे प्रमाण किती असावे, त्यात तिखट-मीठ-पीठ किती असावे, याचे प्रमाण ठरवून देण्यात आले आहे. त्या व्यतिरिक्त कैद्यांना अतिरिक्त जेवण हवे असल्यास त्यांना त्यासाठी परवानगी घेऊन पैसे देऊन खरेदी करावे लागते. मात्र तरीही कैद्यांना बिर्याणी खाऊ घालण्याची परवानगी तुरुंग प्रशासनाकडून देण्यात आलेली नाही, असे तुरुंग प्रशासनाचे म्हणणे आहे.
ड्युटीवर असताना मारहाण करणाऱ्या कैद्यांना धडा शिकविण्यासाठी जखमी पोलिसांनी पोलिस व्हॅन थेट पोलिस ठाण्यात नेत त्यांच्याविरोधात गुन्हा दाखल करत घडलेला प्रकार नमूद केला असला तरी आता कैद्यांची बिर्याणी पार्टी वादात सापडण्याची चिन्हे आहेत.
कात्रप-खरवई रिंग रोडमुळे प्रवाशांना मोठा फायदा; बदलापूरवरुन थेट पनवेल, मुंबई – बडोदा हायवे जोडणार, कसा आहे मार्ग?
गुन्हा दाखल झाल्यानंतर पोलिसांनी कैद्याच्या नातेवाइकांनी त्यांना बिर्याणी दिल्याची पळवाट काढण्याचा प्रयत्न केला असला तरी पोलिसांच्या संरक्षणात असलेल्या कैद्यांना नातेवाईक परवानगीशिवाय बिर्याणी कशी खाऊ घालू शकतात ?, असा प्रश्न उपस्थित झाल्याने नव्या वादाला तोंड फुटले आहे.

या प्रकरणी गुन्हा दाखल होताच या प्रकरणाची चौकशी सुरू केली आहे. पोलिस व्हॅनमध्ये कैद्यांसाठी बिर्याणी कशी आली, याचीही चौकशी सुरू करण्यात आली आहे. –अतुल झेंडे, पोलिस उपायुक्त