मिळालेल्या माहितीनुसार, उसनवारीच्या पैशांतून घडलेल्या हत्येने चंद्रपूर जिल्हा हादरला आहे. सुनील गेडाम या सेवानिवृत्त केंद्रप्रमुखाने सहा लाख रुपये घेतले होते. सुनील गेडाम, सय्यद हे दोघे मूल-गडचिरोली महामार्गावरील रानसंपन्न हॉटेलमध्ये जेवणासाठी गेले होते. मात्र सय्यदने वेगळंच ठरवलं होतं. सहभोजन झाल्यावर सय्यदने गेडाम यांना टेकाडीमार्गे जाण्याचा आग्रह धरला. याच वेळी उसनवार पैशावरून दोघांत वाद झाला. हा वाद टोकाला गेला. सय्यदने काही मित्रांच्या मदतीने गेडाम यांच्या डोक्यावर लोखंडी साखळीने वार केले. यात गेडाम यांची प्राणज्योत मालवली.
Jalna News : धरणात मासे पकडण्यासाठी गेला तो परत आलाच नाही, समोरील दृष्य पाहून कुटुंबाचा टाहो, गावात हळहळ
घाबरलेल्या सय्यदने पुरावा नष्ट करण्यासाठी मृतदेह मरेगाव-टेकाडी मार्गावरील नाल्यात फेकून दिला. त्यानंतर नाल्यात मृतदेह तरंगताना काही गावकऱ्यांनी पाहिला आणि याची माहिती पोलिसांना दिली. वर्षभरात मूल तालुक्यात चार हत्येच्या घटना उघडकीस आल्या आहेत. आता ही पाचवी हत्येची घटना समोर आली असून मूल तालुक्यातील कायदा, सुव्यवस्थेच्या प्रश्न पुढे आला आहे.

मुलाने तक्रार केली –

वडील बेपत्ता असल्याची तक्रार मुलगा पंकज गेडाम याने पोलिसात केली. याच दरम्यान गेडाम यांची पल्सर दुचाकी, मोबाईल, चष्मा आणि चप्पल आकापूरजवळ दिसली. पोलिसांनी तपासाची चक्रं फिरवली. त्यानंतर संशयित सय्यदला पोलिसांनी ताब्यात घेतलं. पोलिसांनी दिलेल्या जबाबात त्याने गुन्ह्याची कबुली दिली असून मृतदेह लपवल्याचं ठिकाणही दाखवलं.