‘बीएलओं’नी मतदार यादीत घोळ केला असून, या विरोधात तहसीलदार, संबंधित निवडणूक निर्णय अधिकाऱ्यांकडे तक्रार दाखल केल्याचे सांगतानाच लवकरच मुख्यमंत्र्यांची भेट घेऊन ‘एसआयटी’ गठीत करून चौकशी करण्याची मागणी करण्यासह उच्च न्यायालयात दाद मागणार असल्याचे सोनवणे यांनी स्पष्ट केले. शहरातील हॉटेल राधिकाच्या सभागृहात सोनवणे यांनी पत्रकार परिषद घेतली. मालेगाव मध्य मतदारसंघातील यादीचा घोळ सुरू असताना आता बाह्य मतदारसंघात देखील दुबार व घरांचा पत्ता नसलेले संशयास्पद मतदार असल्याचे उघडकीस आणले.
संशयाने संसाराची राखरांगोळी! दारुड्या नवऱ्याचा जाच, 3 वर्षांच्या चिमुकलीसह विवाहितेची विहिरीत उडी, घटनेनं हळहळ
सोनवणे म्हणाले, की मालेगाव बाह्य विधानसभा मतदारसंघातील यादी भाग क्रमांक २८२ ते ३०९ या मतदार यादीत दुबार नावे आहेत. संगमेश्वर प्रभाग क्रमांक नऊ आहे. या प्रभागात कलेक्टर पट्टा भागातील प्रभाग क्रमांक बारामधील मतदारांचा देखील समावेश आहे.
बिबट्यांची दहशत थांबेना! नाशकात दुसऱ्या बाळाचा बळी; १८ तासांनी सापडला मृतदेह, घटनेनं हळहळ‘बीएलओं’च्या संगनमताने यादीत घोळ करण्यात आला आहे. याबाबत निवासी उपजिल्हाधिकारी तथा जिल्ह्याचे निवडणूक निर्णय अधिकारी राजेंद्र वाघ यांच्याकडे पुराव्यानिशी मतदार याद्या दिल्या आहेत. याबाबत शासनाने एसआयटी चौकशी करावी, दोषी ‘बीएलओं’वर कारवाई करावी, लोकशाहीची थट्टा करणाऱ्या प्रशासन व ‘बीएलओं’विरोधात उच्च न्यायालयात धाव घेणार असल्याचेही सोनवणे यांनी स्पष्ट केले. दरम्यान, यापूर्वी मालेगाव मध्य मतदारसंघातील मतदार याद्यांबाबत प्रश्नचिन्ह निर्माण झाले आहे.

मतदार यादीतील संशयास्पद मतदारांमुळे लोकशाहीचा खून होत आहे. माझ्यासह नवोदित सामाजिक कार्यकर्त्यांच्या राजकीय आकांक्षावर विरजन पडत आहे. मतदार यादीच्या घोळामुळे लोकशाही प्रणाली धोक्यात येण्याची शक्यता आहे. – नरेंद्र सोनवणे, माजी उपमहापौर, मालेगाव