Pune Who is Krishna Andekar : पुण्यातील नाना पेठमध्ये झालेल्या आयुष (गोविंद) कोमकरच्या हत्या प्रकरणातील मुख्य आरोपी कृष्णा आंदेकरनं आज समर्थ पोलिस ठाण्यात आत्मसमर्पण केलंय. कृष्णा कुख्यात गुंड बंडू आंदेकरचा मुलगा. त्याला लहानपणापासूनच गुन्हेगारी क्षेत्रात जाण्याची खुमखुमी होती.
Mono Rail Suspend : सततचे अपघात अन् तांत्रिक बिघाड…, मोनोरेल सेवा बंद करण्याचा मोठा निर्णय; कोणत्या मार्गावर ब्रेक? जाणून घ्या
कृष्णा आंदेकर गुंड कसा बनला?
सुरज ठोंबरे आणि सोमनाथ गायकवाड हे दोघे बंडू आंदेकरचे खास पंटर होते. मात्र, कृष्णा आंदेकर मोठा झाल्यानंतर त्याला गुन्हेगारीचं आकर्षण वाटू लागलं. त्याला स्वत:ला सिद्ध करण्याची खाज होती. कृष्णा आंदेकर याचे सुरज ठोंबरे आणि सोमनाथ गायकवाड यांच्याशी वारंवार वाद होऊ लागले. या दोघांशी कृष्णा आंदेकर याचे बिलकुल जमत नव्हतं. कृष्णा आणि सुरज ठोंबरे यांच्यातील वाद इतका टोकाला गेला होता की, काही वर्षांपूर्वी कोंढवा परिसरात कृष्णा आंदेकर याने सुरज ठोंबरेवर गोळीबार केला होता. मात्र, यामधून सुरज ठोंबरे बचावला होता.
त्यावेळी कृष्णा आंदेकर हा केवळ 17 वर्षांचा होता. अल्पवयीन असल्याने तो शिक्षा संपवून लवकर तुरुंगातून सुटला. याच काळात सुरज ठोंबरे याने पोलिसांच्या मदतीने सोमनाथ गायकवाडला पुण्यात पत्त्यांचा क्लब सुरु करुन दिला. सोमनाथने क्लब चालवण्याच्या मोबदल्यात बंडू आंदेकरला काही विशिष्ट रक्कम द्यायची, असा व्यवहार दोघांमध्ये ठरला. मधल्या काळात सोमनाथला क्लबमधून जास्त पैसे मिळायला लागले. हे कृष्णाच्या लक्षात आल्यानंतर त्याने ही गोष्ट बंडू आंदेकरला सांगितली. यामुळे बंडू आंदेकर आणि सोमनाथ गायकवाड यांच्यात वाद झाला. त्यावेळी कृष्णा आंदेकर याने क्लबमध्ये शिरुन जबरदस्तीने क्लबचा ताबा घेण्याचा प्रयत्न केला.
‘हेमंत करकरेंच्या मृत्यूमागे शरद पवार व काँग्रेस सरकारचा हात’, मालेगाव प्रकरणातून सुटका झालेले सुधाकर चतुर्वेदी यांचा खळबळजनक आरोप
या वादानंतर कृष्णा आंदेकर आणि सोमनाथ गायकवाड यांच्यात टोकाचे संबंध निर्माण झाले. याच रागातून कृष्णा आंदेकर याने 2023 साली सोमनाथ गायकवाड याला मारण्यासाठी सापळा रचला होता. निखिल आवाडे हा सोमनाथचा मावसभाऊ होता. एकदा तो नाना पेठेत बंडू आंदेकरच्या घरासमोर राहणाऱ्या आपल्या बहिणीला भेटायला आला होता. त्यावेळी तिकडे सोमनाथ गायकवाडही येणार होता. कृष्णा आंदेकरने त्याला मारण्यासाठी सापळा रचला होता. या कटात त्याच्यासोबत बंडू आंदेकरची मुलगी वृंदावनी कोमकर हिची दोन मुलं म्हणजे स्वराज वाडेकर आणि तुषार वाडेकर हेदेखील सहभागी होते. कृष्णा आंदेकर आणि त्याच्या सहकाऱ्यांनी नाना पेठेत निखिल आखाडेला घेरलं. त्यावेळी 19 वर्षांच्या स्वराज वाडेकर याने निखिल आखाडेवर 23 वार केले. तो जिवंत राहू नये यासाठी त्याच्या डोक्यात दगडही टाकला. या प्रकरणात कृष्णा आंदेकर हा जेलमध्ये गेला. मात्र, तांत्रिक पुराव्यांमुळे त्याच्यावरील मोक्का टिकू शकला नाही आणि तो जेलबाहेर आला होता.
लेखकाबद्दलप्रशांत पाटीलप्रशांत संजय पाटील २०१९ पासून डिजिटल मीडियात कार्यरत असून सध्या मटा ऑनलाइनमध्ये सिनीयर डिजिटल कंटेंट प्रोड्युसर म्हणून जबाबदारी सांभाळत असताना राज्यभरातील ग्रामीण भागातील बातम्या, राजकीय बातम्यांची आवड, हायपरलोकल बातम्या, क्राइम बातम्या अर्थात विशेष घडामोडींचा विश्लेषणात्मक आढावा घेण्याचा सतत प्रयत्न असतो. गावाखेड्याकडच्या बातम्या, शेतकऱ्यांचा प्रश्न, शेती आणि ग्रामीण जीवन हे जिव्हाळ्याचे विषय आहेत. यापूर्वी थोडक्यात न्यूज पोर्टल, आधान न्यूज पोर्टल, महाराष्ट्र टाइम्स डिजिटल आणि सकाळ मीडिया ग्रुप या संस्थांमध्येही कामाचा अनुभव असून पुण्यातील गरवारे महाविद्यालयातून पत्रकारितेत पदवी प्राप्त केली आहे.… आणखी वाचा