खोल समुद्रात पाच ते सहा नॉटिकल मैल अंतरावर शनिवारी रात्रीच्या सुमारास मच्छीमार बांधवांना समुद्रात तरंगणारे कंटेनर निदर्शनास आले. याबाबतची माहिती पोलिसांना देखील देण्यात आली. समुद्रात तरंगणारे कंटेनर सातपाटी शिरगाव परिसरात येण्याची शक्यता पोलिसांनी वर्तवली व सातपाटी पोलिसांनी परिसरातील मच्छिमार व ग्रामस्थांना सतर्क राहण्याचे आवाहन करण्यात आले. समुद्रात मच्छीमारांना निदर्शनास आलेले हे कंटेनर सातपाटी आणि शिरगावच्या उसबाव समुद्रकिनाऱ्यावर रविवारी सकाळच्या सुमारास आढळून आले. सातपाटी येथील समुद्रकिनारी खडकावर दोन कंटेनर व शिरगाव- उसबाव परिसरात एक कंटेनर खडकावर आढळला आहे.
Virar Building Collapse Update : नोटिशीकडे दुर्लक्ष भोवले, विरार इमारत दुर्घटनेत १७ जणांचे बळी गेले
‘एम. व्ही. फोनिक्स १५’ हे जहाज ओमानच्या समुद्रात मागील महिन्यात बुडाले त्यानंतर या जहाजामधील कंटेनर अरबी समुद्रात वाहून आले. अरबी समुद्रात वाहून आल्या कंटेनर आणि मासेमारी बोटीची धडक झाल्यास बोटींना व मच्छीमारांसाठी खोल समुद्रात मासेमारी करताना दुर्घटना घडण्याची शक्यता नाकारता येत नाही. कंटेनरचा धोका लक्षात घेता मच्छीमारांनी समुद्रात मासेमारी करताना समुद्रात तरंगणाऱ्या कंटेनर पासून सावधानता बाळगण्याचे आवाहन मत्स्य व्यवसाय विभागामार्फत करण्यात आले. त्यानंतर आता पालघर तालुक्यातील सातपाटी आणि शिरगाव समुद्रकिनारी समुद्रातून वाहून आलेले तीन कंटेनर आढळून आले आहेत. दरम्यान समुद्रकिनारी आढळून आलेले कंटेनर नेमके कुठून आले, या कंटेनरमध्ये काय आहे याबाबत पोलिस व स्थानिक प्रशासनामार्फत सुरू आहेत.