१९ जण जखमी झाल्याने त्यांना जवळच्या रुग्णालयात उपचारासाठी नेण्यात आले. यामध्ये धुरामुळे अनेक जण गुदमरले. त्यापैकी एका ८० वर्षीय महिलेचा मृत्यू झाला असून दोन जणांची प्रकृती चिंताजनक असल्याची माहिती मुंबई महापालिकेकडून देण्यात आली. शॉर्टसर्किटमुळे ही आग लागल्याचा अंदाज वर्तविण्यात येत आहे.
Lalbaugcha Raja: ही शान कुणाची…; अनेक अडथळे, तरी 35 तासांनंतर लाडक्या लालबागच्या राजाचं विसर्जन, भाविकांच्या डोळ्यांत पाणी
दहिसर पूर्वेला शांतीनगरमध्ये २३ मजली न्यू जनकल्याण सोसायटी आहे. रविवारी दुपारी या इमारतीच्या तळमजल्यापासून ते चौथ्या मजल्यापर्यंत आग लागली. या इमारतीच्या तळघरात असलेल्या दोन मीटर केबिनला आग लागल्यानंतर ही आग पसरत गेली. इलेक्ट्रिक वायर, केबल आदींमुळे आग पसरताना ती इलेक्ट्रिक डक्टमधूनही पसरली. इमारतीत झालेल्या प्रचंड धुरामुळे अनेकांना श्वास कोंडला. घाबरलेल्या काही रहिवाशांनी इमारतीच्या बाहेर धाव घेतली. तर काहींनी सुरक्षित ठिकाण म्हणून इमारतीच्या गच्चीवर जाणे पसंत केले. परिसरातील अनेकांनी आग लागलेल्या इमारतीतील रहिवाशांचा जीव वाचवण्यासाठी प्रयत्न सुरू केले. अनेकांकडून मदतीसाठी हाकही देण्यात येत होती.
‘दूध पाजल्यानंतर ढेकर न आल्यानं मृत्यू’, रुग्णालयाचं स्पष्टीकरण, ‘हॉस्पिटलच्या हलगर्जीपणामुळे आमचं लेकरु गेलं’, कुटुबीयांचा आरोप; नेमकं काय घडलं? इमारतीतील रहिवाशांसह स्थानिकांनी तात्काळ अग्निशमन दल, पोलिसांना याची माहिती दिली. ही आग एवढी भीषण होती की अग्निशमन दलाकडून लेव्हल दोनची आग घोषित करण्यात आली.

सात फायर इंजिन, वॉटर टँकर व अन्य यंत्रणेसह घटनास्थळी दाखल झालेल्या अग्निशमन दलाने आग विझवण्यासाठी शर्थीचे प्रयत्न सुरू केले. आग पसरत असल्याने आणि धुरामुळे त्यावर नियंत्रण मिळवताना अग्निशमन दलाला अडचणी येत होत्या. तरीही त्या परिस्थितीत अग्निशमन दलाने आगीवर हळूहळू नियंत्रण मिळवण्यास सुरुवात केली. नियंत्रण मिळवताच इमारतीत अडकलेल्या ३६ जणांची सुटका केली.