Akola News : अकोल्यामध्ये एका १६ वर्षीय अल्पवयीन मुलीवर २४ वर्षीय नराधमाने चाकूचा धाक दाखवून अत्याचार केला. ही धक्कादायक घटना घडली, जेव्हा मुलीचे आई-वडील गणेश विसर्जनाच्या मिरवणुकीत सहभागी झाले होते. डाबकी रोड पोलिसांनी गुन्हा दाखल करून आरोपीचा शोध सुरू केला आहे.
अनंत चतुर्दशी म्हणजे विघ्नहर्ता गणेशाच्या विसर्जनाचा दिवस, यादिवशी संपूर्ण देशात लाडक्या गणेशाला निरोप दिला जातो. पण याच विघ्नहर्ताला निरोप देताना एका अल्पवयीन मुलीवर अत्याचार ाच विघ्न कोसळलं. अकोला शहरातील मोल मजुरी करून उदरनिर्वाह करणाऱ्या एका गरीब कुटुंबातील अल्पवयीन मुलीचे आई-वडील 6 सप्टेंबरला अकोला शहरातील गणेश मिरवणूक पाहण्यासाठी गेले होते. त्याचवेळी तौहिद समीर बैद्य याने संधी साधली आणि घरात घुसून चाकूचा धाक दाखवत अल्पवयीन मुलीवर अत्याचार केला.
आई-वडील घरी आल्यावर मुलीने घडलेला प्रकार सांगितला मुलीने सांगितला. आई-वडिलांनी हिम्मत करत डाबकी रोड पोलिसात घडलेल्या प्रकरणाची तक्रार केली. या नराधमाची पार्श्वभूमी गुन्हेगारीची असल्याची माहिती आहे. पोलिसांनीही घटनेचे गांभीर्य ओळखत गुन्हा दाखल करून तौहिद समीर बैद्यला अटक करण्यासाठी एक पथक गठीत करून शोध सुरू केला आहे.
बजरंग दलाने केला हस्तक्षेप
या प्रकरणानंतर बजरंग दलाचे कार्यकर्ते चांगलेच आक्रमक झाले होते. त्यांनी आरोपीला तात्काळ अटक करून, आरोपीवर कडक कारवाई करण्याची मागणी केली आहे. या दुर्दैवी घटनेमुळे समाजमन सुन्न झाले आहे. अश्या घटनांवर आळा बसावा अशी मागणी होत आहे.
लेखकाबद्दलविमल पाटीलविमल पाटील, महाराष्ट्र टाइम्समधून वेब पत्रकारितेला सुरुवात केली, गेले एक वर्ष कन्सलटन्ट म्हणून काम करत आहे. डिजिटल पत्रकारितेत वृत्त संकलन, सोशल मीडियाचे व्यवस्थापन आणि फिल्ड रिपोर्टिंगचा अनुभव आहे. याआधी त्यांनी आर. एन. ओ. वृत्तसंस्थेसाठी फिल्ड रिपोर्टर म्हणून कार्य करत असताना विविध सामाजिक, राजकीय व स्थानिक विषयांवर रिपोर्टिंग केले आहे. तसेच, त्यांनी सामना आणि लयभारी या माध्यमांमध्ये सोशल मीडिया हँडलर म्हणूनही काम पाहिले आहे. त्या मुंबई विद्यापीठाच्या पत्रकारिता विभागातून पत्रकारितेची पदव्युत्तर प्राप्त आहे.… आणखी वाचा