घरगुती गॅस सिलेंडरमधील गळतीमुळे सोलापूरमधील अख्खं कुटुंब उद्ध्वस्त झालं आहे. दोन चिमुरडी, आजी आणि आई यांचा मृत्यू झाला. 35 वर्षीय रंजनाबाई राज बलरामवाले, रा. बालाजी मंदिर समोर, नळबाझार चौक, लष्कर, यांना वाचवण्यासाठी डॉक्टरांनी शर्थीचे प्रयत्न केले,पण अखेर त्यांची प्राणज्योत मालवली.

गॅस गळती दुर्घटनेतील मृत नातवंडांसह आजीच्या चितेला भडाग्नी देत असतानाच चिमुकल्यांच्या आईचादेखील शासकीय रुग्णालयात उपचारादरम्यान मृत्यू झाला. या दुर्दैवी घटनेने अख्खं सोलापूर शहर हळहळ व्यक्त करत आहे.

सोलापूर शहरातील नळ बजार चौक बालाजी मंदिर परिसरात पाच बाय दहा इतक्या छोट्याश्या खोलीत राहणाऱ्या बलरामवाले परिवारातील सदस्यांचा एकामागून एक मृत्यू झाला. शरीरात वाढत गेलेले कार्बन मोनॉक्साईडमुळे ऑक्सिजनची पातळी संपूर्णपणे नष्ट होऊन श्वसन प्रक्रिया बंद पडल्याने रंजनाबाईचा मृत्यू झाल्याची माहिती वैद्यकीय अधिकाऱ्यांनी दिली.
Pune Crime : विवाहाच्या आमिषाने पुण्यातील हॉटेलमध्ये अत्याचार, सोशल मीडियावर ‘ते’ फोटो व्हायरल करण्याची धमकी, तरुणीला लुबाडलं
हर्ष, अक्षरा आणि विमलबाई या तिघांच्या मृतदेहावर शोकाकुल वातावरणात मोदी स्मशानभूमीत अंत्यसंस्कार करण्यात आले होते. त्या तिघांची चिता पेटती असतानाच चौथा बळी गेल्याने सर्वत्र एकच टाहो फोडला जात आहे. शवविच्छेदनानंतर विवाहित महिलेचा मृतदेह बलरामवाले यांच्या घरासमोर आणला असता, त्यांच्या घरासमोर नातेवाईकांच्या आणि समाज बांधवांच्या अंत्यदर्शनासाठी लांबच लांब रांगा लागलेल्या होत्या. दुपारच्या सुमारास विवाहितेच्या पार्थिवावर शोकाकुल वातावरणात अंत्यसंस्कार करण्यात आले. यावेळी उपस्थित नातेवाईक आणि समाज बांधवांनी एकच हंबरडा फोडला.
Akola Crime : माझे मिस्टर घरी नाहीयेत, दुपारी या! 52 वर्षीय ज्वेलरला लताने घरी बोलावलं, एवढ्यात नवरा पोहोचला अन्…
शासकीय रुग्णालयात उपचार घेत असलेल्या 40 वर्षीय राज बलरामवाले यांच्या शरीरातील प्रतिकारक्षमता चांगली असल्याने त्यांची प्रकृती सध्या स्थिर आहे. परंतु अधूनमधून ते मेंदूवरील ताबा सुटल्याप्रमाणे वागत असल्याने वैद्यकीय अधिकाऱ्यांच्या देखरेखीखाली ठेवण्यात आल्याची माहिती पोलिस सूत्रांनी दिली आहे.