Mumbai Local Mega Block: मध्य रेल्वेच्या मुंबई विभागाने धीम्या मार्गावर ब्लॉक घोषित केला आहे. यामुळे अप आणि डाउन धीम्या मार्गावरील लोकल अप आणि डाउन जलद मार्गावर वळवण्यात येणार आहे.
मध्य रेल्वेने सीएसएमटी ते विद्याविहार दरम्यान धीम्या मार्गावर ब्लॉक घोषित केल्याने भाविक प्रवाशांमध्ये नाराजी पसरली आहे. धीम्या मार्गावरील ब्लॉकमुळे चिंचपोकळी, करीरोड स्थानकात लोकल थांबणार नाही. विशेष म्हणजे, पश्चिम रेल्वेने उत्सवामुळे रात्रकालीन ब्लॉकची घोषणा केली आहे. यामुळे रविवारी दिवसा कोणताही ब्लॉक असणार नाही.
उद्या रविवारी, पाच दिवसाच्या गणरायाचे विसर्जन आहे. उत्सवामधील रविवारी नागरिक सार्वजनिक गणेशोत्सवाच्या दर्शनाला प्राधान्य देतात. उत्सव कालावधीत वाढती गर्दी असतानाच ब्लॉक घेत लोकल रद्द करण्यात येणार असल्याने त्याचा नाहक त्रास गणेशभक्तांना सहन करावा लागणार आहे. सीएसएमटी ते विद्याविहार धीम्या अप आणि डाउन मार्गावर रविवारी सकाळी १०.५५ ते ३.५५ दरम्यान ब्लॉक घोषित केला आहे.
आरक्षण मिळेपर्यंत मुंबईतच! मनोज जरांगेंचा निर्धार, आंदोलनास पोलिसांकडून आणखी एक दिवसासाठी परवानगी
हार्बर मार्गावर कुर्ला ते वाशीदरम्यान अप आणि डाउन मार्गावर ११.१० ते ४.१० दरम्यान ब्लॉक घेण्यात येणार आहे. पश्चिम रेल्वेने शनिवारी मध्यरात्रीनंतर १२.३० ते रविवारी पहाटे ४ पर्यंत ब्लॉक घोषित केल्याने रविवारी दिवसा पश्चिम रेल्वेवर कोणताही ब्लॉक असणार नाही. जरांगे पाटील इफेक्ट: सरकारने घेतला दुसरा महत्त्वाचा निर्णय; कुणबी प्रमाणपत्राबाबत मराठ्यांना मोठा दिलासा
मध्य रेल्वे
स्थानक – सीएसएमटी ते विद्याविहार
मार्ग – अप आणि डाउन धीमा
वेळ – स. १०.५५ ते दु. ३.५५
हार्बर रेल्वे
स्थानक – कुर्ला ते वाशी
मार्ग – अप आणि डाउन
वेळ – स. ११.१० ते ४.१०Ajit Pawar : ‘मी त्यांच्या आरोपांना किंमत देत नाही, विनाशकाली विपरीत बुद्धी…’, अजित पवार कुणाबाबत बोलले?
पश्चिम रेल्वे
स्थानक – मुंबई सेंट्रल
मार्ग – सर्व मार्गिका
वेळ – शनिवारी मध्यरात्री १२.३० ते रविवारी पहाटे ४ पर्यंत.
बदलापूर-कर्जत रेल्वे सेवेचा खोळंबा
बदलापूर : अंबरनाथ आणि बदलापूर रेल्वे स्थानकांदरम्यान शुक्रवारी सकाळी मालगाडीच्या इंजिनात अचानक एका तांत्रिक बिघाड झाल्याने बदलापूर ते कर्जतदरम्यानची रेल्वे सेवा सुमारे एक तास खोळंबली. या खोळंब्यामुळे सकाळी कामावर जाणाऱ्या प्रवाशांची मोठी गैरसोय झाली होती. शुक्रवारी सकाळी ५.५२ वाजता अंबरनाथ, बदलापूर रेल्वे एका स्थानकादरम्यान मालगाडीच्या इंजिनात अचानक तांत्रिक बिघाड झाला. त्यामुळे या मार्गावरील वाहतूक पूर्णतः विस्कळीत झाली. त्यानंतर भिवपुरी येथून दुसरे इंजिन मागवत ही मालगाडी कर्जत दिशेने रवाना करण्यात आली.
लेखकाबद्दलकिशोरी तेलकर किशोरी तेलकर, महाराष्ट्र टाइम्स ऑनलाईनमध्ये ३ वर्षांपासून कन्सल्टंट म्हणून कार्यरत आहे.या आधी सकाळ मिडियामध्ये २ वर्ष कामाचा अनुभव आहे. चालू घडामोडी, गुन्हेगारी, राजकीय विषयांच्या बातम्यांत विशेष आवड.… आणखी वाचा