पोलिसांच्या माहितीनुसार, नीलेश शिवाजी पाटील (वय २१, रा. चेतनानगर) याने गुरुवारी (दि. २८) रात्री साडेआठ वाजेच्या सुमारास घरात गळफास घेत आत्महत्या केली. याप्रकरणी रात्री उशिरा आकस्मात मृत्यू नोंदविण्यात आला. दरम्यान, रविवारी (दि. २४) गंगापूर रस्त्यावरील बारदान फाटा परिसरात नीलेश पाटील हा एमएच १५, केबी ५५६६ क्रमांकाचे मोपेड वाहन चालवित होता. त्यावेळी त्याच्या पाठीमागे माही मनीष शर्मा (वय १८, रा. चेतनानगर) ही त्याची मैत्रीण बसलेली होती.
Nashik Crime : कुटुंबासाठी काही करु शकलो नाही; शेवटच्या चिठ्ठीत भावनिक शब्द, 25 वर्षीय कॉम्प्युटर इंजिनिअरने आयुष्य संपवलं
नीलेशने गंगापूर गावाकडून सातपूरकडे जाताना इतर वाहनांना ओव्हरटेक करण्याचा प्रयत्न केला. त्यावेळी पावसामुळे साचलेल्या डबक्यात मोपेड वाहन घसरून त्यांचा अपघात झाला. त्याचवेळी मागून येणाऱ्या टेम्पोचे चाक माहीच्या डोक्यावरून गेल्याने तिचा जागीच मृत्यू झाला. याप्रकरणी नीलेश पाटीलविरुद्ध माहीच्या मृत्यूसह स्वत: व दुचाकीच्या नुकसानीला कारणीभूत ठरल्याचा गुन्हा नोंद झाला.
Nashik Accident : ब्रेक फेल झालेल्या स्कूल बसची धडक, लेकाच्या डोळ्यादेखत पित्याचा करुण अंत, पादचाऱ्यांची धावपळ व्यर्थ
दरम्यान, रविवारी अपघात झाल्यापासून नीलेश याच्यावरही खासगी रुग्णालयात उपचार सुरू होते. गुरुवारी सायंकाळी उपचार पूर्ण झाल्यावर नीलेश घरी परतला. त्याने कुटुंबीयांसोबत काहीवेळ संवाद साधला. मात्र, नैराश्यात असलेल्या नीलेशने घरातील बेडरूममध्ये जात सीलिंग फॅनला साडी बांधून गळफास घेत जीवन संपविले. त्याचा भाऊ शरद पाटील याने त्याला जिल्हा शासकीय रुग्णालयात दाखल केल्यावर वैद्यकीय अधिकाऱ्यांनी त्याला मृत घोषित केले.

एका अपघातामुळे दोन तरुणांचे जीवन संपल्याने हळहळ व्यक्त होत आहे. इंदिरानगर पोलिसांनी अकस्मात मृत्यूची नोंद केली. अपघातामुळे मैत्रिणीचे झालेले निधन, त्यानंतरचे नैराश्य आणि तणाव यातून त्याने मृत्यूला कवटाळल्याचा पोलिसांना संशय आहे. माही व नीलेश यांच्यात कौटुंबिक स्नेह होता, असेही समजते.