पिंपळस रामाचे ग्रामपंचायत हद्दीत येत असलेल्या ‘निसाका’कडे ग्रामपंचायतीची चार कोटी २३ लाख ४० हजार २७५ रुपये थकबाकी असून, वेळोवेळी थकबाकी मिळण्याबाबत ग्रामपालिकेने पत्रव्यवहार करूनही थकबाकी न भरल्याने आता ग्रामपालिका ‘निसाका’च्या मालमत्ता जप्तीची कारवाई करणार आहे. अवसायक निफाड सहकारी साखर कारखाना यांना २ ऑगस्ट २०२५ रोजी सात दिवसाचे बिल व नोटीस बजावण्यात आली होती. तसेच ९ ऑगस्ट २०२५ रोजी तीन दिवसाची नोटीस बजावण्यात आली होती. त्यानंतर या महिन्यात दि. २५ रोजी एक दिवसाची मालमत्ता जप्तीच्या कारवाईबाबत नोटीस देण्यात आल्याची माहिती पिंपळस ग्रामपालिकेने दिली.
तुंबलेला 24 तासांचा एक थरारक प्रवास! मुसळधारेत अडकलेल्या ‘पंचवटी’ रेल्वे प्रवाशाने सांगितली आपबिती
बी. टी. कडलग कन्स्ट्रक्शन प्रा.लि. व अष्टलक्ष्मी शुगर इथेनॉल व एनर्जी लिमिटेड निफाड सहकारी साखर कारखाना लि. पिंपळस भाऊसाहेब नगर यांना देखील सात दिवसाची नोटीस बजावण्यात आली आहे. तरीही थकबाकी जमा होत नसल्याने दि. १४ ऑगस्ट रोजी मालमत्ता जप्तीच्या कार्यवाहीबाबत नोटीस बजावण्यात आली आहे. अवसायक व बी. टी. कडलग कन्स्ट्रक्शन प्रा. लि. व अष्टलक्ष्मी शुगर इथेनॉल एनर्जी लिमिटेड निफाड सहकारी साखर कारखाना यांनी थकबाकी भरण्याची कार्यवाही केली नसल्याने येत्या सोमवारी (दि. २५) निफाड सहकारी साखर कारखाना येथे ग्रामपंचायत कायदेशीर मालमत्ता जप्तीची कारवाई करणार असल्याची माहिती सरपंच निशा ताजने, उपसरपंच किरण आहेर यांनी दिली.
Nashik Crime: मालेगावात अवैध गर्भपात केंद्रावर छापा; बोगस डॉक्टरसह पाच जणांना अटक
‘निसाका’च्या थकबाकीविषयी ग्रामपंचायत कार्यालयात चर्चा करून ग्रामपंचायत कार्यालयात पत्रकार परिषद घेण्यात आली. यावेळी तानाजी पुरकर, अरुण डांगळे, विष्णूपंत मत्गसार, दिनकर मत्सागर, अनंत साळे, बंडू म्हस्के, नितीन मत्सगार, महेश पठाडे, नंदकिशोर मत्सगर, अंकुश सुरवाडे, माधव प्रमोद मत्सगार, अमोल टर्ले, माधव गायटे आदी उपस्थित होते.
दुर्गादेवीचे दर्शन ठरलं अखेरचं! गर्भवती मुलीसह आईचा दुर्दैवी मृत्यू; मायलेकीची एकत्रच अंत्ययात्रा
निसाका अवसायक आणि संबंधित कारखाना भाडेतत्त्वावर चालविणाऱ्या आस्थापनेला आम्ही नोटिसा दिल्या आहेत. येत्या २५ ऑगस्ट रोजी ग्रामपंचायत नियमानुसार मालमत्ता जप्तीची कारवाई करणार आहे. – निशा ताजने, सरपंच

पिंपळस ग्रामपंचायतीची नोटीस प्राप्त झाली असून, याबाबत मी बँकेचे अवसायक व वरिष्ठांना कळवित आहे. – एन. के. हांडोरे, प्रभारी कार्यकारी संचालक, निसाका