सोनाली आप्पा राऊत ( वय १४ रा.खामगाव) असं उपचारादरम्यान मृत्यू झालेल्या मुलीचं नाव आहे. तर कांताबाई नारायण गायके (वय ५० रा.खामगाव ता.कन्नड) कमाबाई जगदाळे (वय ६५ रा.जानेफळ ता.वैजापूर) असे घटनेच्या दिवशी मृत झालेल्या महिला भाविकांची नावे आहे. भाविकांचे श्रध्दास्थान असलेल्या पिनाकेश्वर महादेवाच्या दर्शनासाठी एकूण २७ भाविक आप्पा राऊत यांच्या छोट्या ट्रँक्टरमध्ये गेले होते.
Chhatrapati Sambhajinagar: दुचाकीवरुन जाताना जोरदार धडक, लांबवर फेकले गेले अन् दोन मित्रांचा एकत्र अंत, कुंटुंबाचा आक्रोश पाहवेना
सर्वांचे दर्शन झाल्याने भाविक ट्रँक्टरमध्ये माघारी परतत असताना डोंगराच्या पायथ्यापासुन हाकेच्या अंतरावर होते. याच वेळी ट्रॅक्टरचे अचानक ब्रेक फेल झाले. ड्रायव्हरचे नियंत्रण सुटल्याने ट्रँक्टर भाविकासह थेट घाटाच्या दरीत कोसळले. दरम्यान बंदोबस्तावर असलेल्या पोलीस निरीक्षक दिगंबर भदाणे, पोलीस हवालदार भास्कर बस्ते, पोलीस कॉन्स्टेबल परमेश्वर श्रीखंडे श्रीखंडे यांनी जखमींना बाहेर काढत उपचारासाठी पाठवले होते. नागमोडी वळणावर जात असताना चालकाचे त्याच्यावरील नियंत्रण सुटले आणि थेट दरीत कोसळला होता, त्यावेळी एकूण २७ जण ट्रॅक्टरमध्ये बसलेले होते.
Chhatrapati Sambhajinagar: चल तू किती घेणार सांग… कारमधून उतरला, होणाऱ्या नवऱ्यासमोर नर्सचा हात पकडला, संतापजनक प्रकार

उपचारादरम्यान सोनालीची प्राणजत मालवली

दरम्यान, या घटनेमध्ये सोनाली आप्पा राऊत या मुलीची प्रकृती चिंताजनक झाली होती. तिच्यावर छत्रपती संभाजी नगर शहरातील खाजगी रुग्णालयात उपचार सुरू होते. चार दिवसापासून सुरू असलेल्या उपचारानंतर तिची प्राणज्योत मालावली. या घटनेमुळे सोनालीच्या कुटुंबावर दुःखाचा डोंगर कोसळला आहे.