बेस्ट पतपेढी निवडणुकीत शिवसेना (UBT) पक्षामार्फत 19 जागा आणि मनसे पक्षामार्फत 2 जागा लढवण्यात आलेल्या होत्या. मात्र या दोन्ही पक्षांना आपली एकही जागा जिंकता आलेली नाही. एकीकडे शशांक राव यांच्या संघटनेची पकड आणि दुसरीकडे भाजप नेते प्रवीण दरेकर आणि आमदार प्रसाद लाड यांनी केलेले नियोजन यामुळे ठाकरे बंधूंच्या युतीला अपयश आल्याचं बोललं जात आहे.

कोणाला किती जागा?

बेस्ट को-ऑपरेटिव्ह क्रेडिट सोसायटी लिमिटेड या पंचवार्षिक निवडणुकीत बेस्ट वर्कर्स युनियन- (शशांक राव ) यांना 14 जागा, भारतीय जनता पक्षाला 4 जागा, शिंदेंच्या शिवसेनेला 2 जागा, SC-ST युनियनला 1 जागा अशाप्रकारे शशांक राव यांच्या वर्कर्स युनियनची आता बेस्ट पतपेढीवर सत्ता आलेली पाहायला मिळत आहे. या निवडणुकीच्या निमित्ताने ठाकरे बंधू अनेक वर्षांनंतर राजकीयदृष्ट्या एकत्र आले होते. परंतु या निवडणुकीत त्यांना भोपळाही फोडत न आल्याने आगामी मुंबई महानगरपालिकेच्या निवडणुकांच्या पार्श्वभूमीवर ही शिवसेना(UBT) आणि मनसेला एक प्रकारे धोक्याची घंटा मानली जात आहे.

Maharashtra Politics : ठाकरे बंधूंसाठी BEST निवडणूक ठरली Worst! 21 पैकी 0 जागा, महायुतीला सात, विजयी कोण?

विजयी उमेदवारांची यादी

बेस्ट को-ऑपरेटिव्ह क्रेडिट सोसायटी लिमिटेड या पंचवार्षिक निवडणुकीत शशांक राव पॅनलचे विजयी उमेदवार – एकूण 14

1. आंबेकर मिलिंद शामराव
2. आंब्रे संजय तुकाराम
3. जाधव प्रकाश प्रताप
4. जाधव शिवाजी विठ्ठलराव
5. अम्मुंडकर शशिकांत शांताराम
6. खरमाटे शिवाजी विश्वनाथ
7. भिसे उज्वल मधुकर
8.. धेंडे मधुसूदन विठ्ठल
9. कोरे नितीन गजानन
10. किरात संदीप अशोक
महिला राखीव
11. डोंगरे भाग्यश्री रतन
अनुसूचित जाती/ जमाती
12. धोंगडे प्रभाकर खंडू
भटक्या विमुक्त जाती
13 चांगण किरण रावसाहेब
इतर मागासवर्गीय
14 शिंदे दत्तात्रय बाबुराव

प्रसाद लाड यांच्या पॅनेलचे विजयी उमेदवार – एकूण 7

1 रामचंद्र बागवे
2 संतोष बेंद्रे
3 संतोष चतुर
4 राजेंद्र गोरे
5 विजयकुमार कानडे
6 रोहित केणी
महिला राखीव मतदार संघ
7 रोहिणी बाईत